വാഴപ്പഴം ഒന്നിന്റെ വില 375 രൂപ, തൊലിയുടെ വില കൂടി എടുക്കും!
പഴം കഴിച്ചതിനു ശേഷം തൊലി വലിച്ചെറിഞ്ഞു കളയുകയോ പശുവിന് നല്കുകയോ ചെയ്യാറാണ് പതിവ്. എന്നാല് മോണ്ഗേ വാഴപ്പഴം ആണ് തിന്നുന്നതെങ്കില് തൊലിയുള്പ്പടെ പഴം തിന്നാന് സാധിക്കും. ഈ സാങ്കേതിക വിദ്യയുമായി രംഗത്തെത്തിയിരിക്കുന്നത് ജപ്പാനില് നിന്നുള്ള ശാസ്ത്രജ്ഞരാണ്.
20,000 വര്ഷങ്ങള്ക്കു മുമ്പ് തൊലിയുള്പ്പടെ കഴിക്കുവാന് സാധിക്കുന്ന വാഴപ്പഴം ഉണ്ടായിരുന്നതായി ശാസ്ത്രജ്ഞര് വ്യക്തമാക്കുന്നു. അതിനെ കുറിച്ച് ശാസ്ത്രജ്ഞര് പറയുന്നതിങ്ങനെ. 20,000 വര്ഷങ്ങള്ക്ക് മുമ്പ് ഭൂമിയില് ശീതയുഗമായിരുന്നു. ഈ സമയം ചെടികളില് ഭൂരിഭാഗവും മടിയന്മാരാകും.
ശീതയുഗത്തിനു ശേഷം മഞ്ഞെല്ലാം ഉരുകിയപ്പോള് ചെടികള്ക്കെല്ലാം ആരോഗ്യം ലഭിച്ചു. ആ സമയമുണ്ടായ വാഴപ്പഴത്തിന്റെ തൊലിയുള്പ്പടെ ഭക്ഷ്യയോഗ്യമായിരുന്നു. പിന്നീട് കാലങ്ങള് കഴിയും തോറും തൊലിയുടെ രുചി മാറുകയായിരുന്നു.
20,000 വര്ഷം മുമ്പിലുള്ള രീതിയില് പഴം സൃഷ്ടിച്ചെടുക്കുവാന് 60 ഡിഗ്രി സെല്ഷ്യസില് തണുപ്പിച്ചതിനു ശേഷമാണ് വാഴ നട്ടു പിടിപ്പിച്ചത്. കൂടാതെ പതിയെ പതിയെ മഞ്ഞ് ഉരുകുന്ന അന്തരീക്ഷം കൃത്രിമമായി സൃഷ്ടിക്കുകയും ചെയ്തു. അപ്രകാരം ചെയ്തപ്പോള് വാഴയില് മറഞ്ഞിരുന്ന ഡിഎന്എ രൂപപ്പെട്ടു. അങ്ങനെയാണ് മോണ്ഗേ വാഴപ്പഴം വീണ്ടും രംഗത്തെത്തിയത്.
ജപ്പാനിലുള്ള ഡി ആന്ഡ് ടി ഫാം കമ്പനിയാണ് മോണ്ഗേ വാഴപ്പഴം നിര്മിക്കുന്നത്. ജപ്പാനിലെ ഒക്ലഹോമയിലെ ഡിപ്പാര്ട്ട്മെന്റ് സ്റ്റോറില് ഓരോ ആഴ്ച്ചയും 10 വാഴപ്പഴം വില്പ്പനയ്ക്കു വയ്ക്കും. 648 യെന്(375 രൂപ) ആണ് ഒരെണ്ണത്തിന്റെ വില. വൈറ്റമിന് ബി6, മഗ്നീഷ്യം, ട്രിപ്റ്റോഫാന് എന്നിവയെല്ലാം മോണ്ഗേ വാഴപ്പഴത്തിന്റെ തൊലിയിലുണ്ടെന്ന് ശാസ്ത്രജ്ഞര് അവകാശപ്പെടുന്നു.
https://www.facebook.com/Malayalivartha