ലോകത്തെ ഏറ്റവും ഉയരമുള്ള മരം എവിടെയാണ് ഉള്ളത് എന്നറിയാമോ?
ഇനി മലേഷ്യയിലെ ഒരു മരത്തിനാണ് ഉഷ്ണമേഖലാ പ്രദേശങ്ങളിലെ ഏറ്റവും ഉയരം കൂടിയ മരം എന്ന റിക്കാര്ഡ്. മലേഷ്യയിലെ ബോര്ണിയോ ദ്വീപിന് സമീപം സാബാ മേഖലയിലാണ് ഈ മരം കണ്ടെത്തിയത്.
ഓക്സ്ഫോര്ഡ്, നോട്ടിംഗ്ഹാം യൂണിവേഴ്സിറ്റികളിലെ ഗവേഷക സംഘവും സൗത്ത് ഈസ്റ്റ് ഏഷ്യന് റെയ്ന് ഫോറസ്റ്റ് റിസേര്ച്ചും ചേര്ന്നുനടത്തിയ പഠനങ്ങള്ക്കൊടുവിലാണ് ഈ മരം തിരിച്ചറിഞ്ഞത്.
100.8 മീറ്ററാണ് ഈ മരത്തിന്റെ ഉയരം. ഇതിന് ഏകദേശം 81,500 കിലോഗ്രാം ഭാരമുണ്ടാകുമെന്ന് ഗവേഷകര് കരുതുന്നു. മെനാര എന്നാണ് ഈ മരത്തിന് പേരു നല്കിയിരിക്കുന്നത്. ടവര് എന്നാണ് ഈ മലേഷ്യന് പേരിന്റെ അര്ഥം.
ഇന്റര് നാഷണല് യൂണിയന് ഫോര് കണ്സര്വേഷന് ഓഫ് നേച്ചര് വംശനാശ ഭീഷണി നേരിടുന്ന മരങ്ങളുടെ പട്ടികയില് ഉള്പ്പെടുത്തിയിട്ടുള്ള മെരാന്റി എന്ന മരത്തിന്റെ വര്ഗത്തില്പ്പെട്ടതാണ് മെനാര.
ഗവേഷണസംഘത്തില്പ്പെട്ട രണ്ടുപേര് ഈ മരത്തിന്റെ മുകളില്കയറി ടേപ്പ് ഉപയോഗിച്ച് അളന്നാണ് മരത്തിന്റെ ശരിയായ ഉയരം കണ്ടെത്തിയത്.
https://www.facebook.com/Malayalivartha