ഷെല്ഫ് മറിഞ്ഞ് ദേഹത്ത് വീണിട്ടും മോഷണം പൂര്ത്തിയാക്കിയേ മടങ്ങിയുള്ളൂ...!
മിഷിഗണിലെ വെസ്റ്റ്ലാന്ഡില് മൊബൈല് ഫോണ് മോഷ്ടിക്കാന് ശ്രമിക്കുന്നതിനിടെ മോഷ്ടാവിന് പറ്റിയ അബദ്ധത്തിന്റെ ദൃശ്യങ്ങള് ചിരിയുണര്ത്തുന്നു.
മൊബൈല് ഫോണ് കടയിലെത്തിയ മോഷ്ടാവ് ഷെല്ഫില് ഇരിക്കുന്ന ഒരു ഉപകരണം എടുക്കുവാന് ശ്രമിച്ചു. എന്നാല് എത്ര പണിപ്പെട്ടിട്ടും അത് എടുക്കുവാന് സാധിക്കാതിരുന്നതിനാല് ഇദ്ദേഹം അല്പ്പം ബലം പ്രയോഗിക്കുകയും ചെയ്തു.
എന്നാല് ഇയാള് പിടിച്ച് വലിച്ചതിന്റെ ആഘാതത്തില് ഈ ഉപകരണം ഇരുന്ന ഷെല്ഫ് മറിഞ്ഞ് മോഷ്ടാവിന്റെ ശരീരത്തേക്ക് വീഴുകയായിരുന്നു. തുടര്ന്ന് മോഷ്ടാവും നിലത്തേക്ക് തെന്നി വീണു. എന്നിട്ടും ഈകടയില് നിന്നും നിരവധി മൊബൈല് ഫോണുകള് കൈക്കലാക്കിയാണ് ഇയാള് മടങ്ങിയത്.
ഇയാളെ ഇതുവരെ കണ്ടെത്തുവാന് പോലീസിനായില്ല. അന്വേഷണം പുരോഗമിക്കുകയാണ്.
വെസ്റ്റ്ലാന്ഡ് പോലീസിന്റെ ഫേസ്ബുക്ക് പേജിലൂടെയാണ് ഈദൃശ്യങ്ങള് പുറത്തു വിട്ടിരിക്കുന്നത്. കടയ്ക്കുള്ളില് സ്ഥാപിച്ച സിസിടിവിയിലാണ് ഈദൃശ്യങ്ങള് പതിഞ്ഞത്.
https://www.facebook.com/Malayalivartha