കിണറ്റില് വീണ മൂര്ഖനെ കയറില് തൂങ്ങിക്കിടന്ന് പിടിച്ചത് 'പെണ്പുലി'യെന്ന് സോഷ്യല്മീഡിയ!
ഭൂരിപക്ഷം സ്ത്രീകള്ക്കും പല്ലി, പാറ്റ തുടങ്ങിയവയെപ്പോലും പേടിയാണെന്നാണ് പൊതുധാരണ. അപ്പോള് പിന്നെ മൂര്ഖന് പാമ്പിന്റെ മുമ്പില് പെടുന്ന പെണ്ണിന്റെ കാര്യം പ്രത്യേകിച്ച് പറയണോ? എന്നാല് ഇത്തരം ധാരണകളൊക്കെ ഒന്ന് മാറ്റിപ്പിടിക്കാന് സമയമായെന്ന് തെളിയിക്കുന്ന ഒരു വീഡിയോ ഇപ്പോള് സോഷ്യല് മീഡിയയില് വൈറലാകുകയാണ്.
കിണറ്റില് വീണ മൂര്ഖനെ അതിസാഹസികമായി കയറില് തൂങ്ങിക്കിടന്ന് പിടികൂടുന്ന ഒരു യുവതിയുടെ വീഡിയോ ആണ്.
കിണറ്റിലിറങ്ങുന്നതിനു ധൈര്യം വേണം, ഒപ്പം പാമ്പിനെ പിടിക്കാനും ധൈര്യം വേണം. ഡബിള് ധൈര്യം കാട്ടിയ മിടുക്കിക്ക് അഭിനന്ദനങ്ങള് എന്നാണ് വിഡിയോയ്ക്കു കിട്ടിയ ഒരു കമന്റ്. അതേ സമയം, ചിലര് പെണ്കുട്ടിയുടെ ധൈര്യത്തെ അഭിനന്ദിക്കുന്നതിനൊപ്പം തന്നെ ചെയ്തത് അല്പം റിസ്ക് കൂടിയ പണിയാണെന്നും ഇനി ആവര്ത്തിക്കരുതെന്നും പറയുന്നു.
എവിടെ നിന്നു പകര്ത്തിയ വിഡിയോ ആണെന്നു വ്യക്തമല്ല. വിഡിയോയ്ക്കു വന്ന കമന്റില് കര്ണാടകയിലെ ബെല്ഗാവു എന്ന സ്ഥലത്തു നിന്നുള്ള വിഡിയോ ആണെന്ന് ചൂണ്ടിക്കാട്ടുന്നു. അവിടെയുള്ള പ്രശസ്തയായൊരു പാമ്പുപിടുത്തക്കാരി ആണിതെന്നും ചിലര് കമന്റില് പറയുന്നു. എന്തായാലും, ഇതാദ്യമായല്ല യുവതി പാമ്പു പിടിക്കുന്നതെന്ന് വീഡിയോയില് നിന്നും വ്യക്തമാണ്.
https://www.facebook.com/Malayalivartha