കാത്തിരുന്ന് കിട്ടിയ മകന് അകാലത്തില് പൊലിഞ്ഞതിന്റെ ഓര്മദിവസത്തില് 7 യുവതികളുടെ വിവാഹം നടത്തി
വൈപ്പിന് ഓച്ചന്തുരുത്തുവളപ്പ് നിത്യസഹായമാതാ പള്ളിയില് ഏഴു വധൂവരന്മാര്ക്കായി ഒരുമിച്ച് മാംഗല്യമേളം മുഴങ്ങി. കൊച്ചി വൈപ്പിന് സ്വദേശി ആന്റണിയും കുടുംബവുമാണ് ഈ സമൂഹവിവാഹമൊരുക്കിയത്.
അങ്ങനെയൊരു സമൂഹവിവാഹം ആസൂത്രണം ചെയ്യുന്നതിന് അവര്ക്ക് പ്രേരണയായത് മകനെ കുറിച്ചള്ള ദീപ്തമായ ഓര്മ്മകളാണ്.
ഏഴുവര്ഷം കാത്തിരുന്ന് കിട്ടിയ മകനെ ഏഴാം വയസില് മരണം തട്ടിയെടുത്തപ്പോള്, അവന്റെ പിറന്നാള് ജീവകാരുണ്യംകൊണ്ട് ആഘോഷിക്കാനായിരുന്നു ആന്റണിയുടെയും കുടുംബത്തിന്റെയും തീരുമാനം. മകന്റെ ഇരുപതാം പിറന്നാള് ദിനത്തിലാണ് ഏഴ് നിര്ധന യുവതികള്ക്ക് ഈ കുടുംബം മാംഗല്യഭാഗ്യമൊരുക്കിയത്.
മുടക്കമില്ലാതെ തുടരുന്ന മകന് അമിത്തിന്റെ പിറന്നാള് ആഘോഷത്തില് ഇത്തവണ ഏഴ് നിര്ധന യുവതികളുടെ വിവാഹമാണ് നടത്തിയത്. ദേവാലയത്തില്നിന്ന് തിരഞ്ഞെടുത്ത ഏഴുപേര്ക്കും ഏഴുപവന് സ്വര്ണവും, മന്ത്രകോടിയും നല്കി. കൊച്ചി മെത്രാന് ഡോ. ജോസഫ് കരിയിലില് വിവാഹങ്ങള്ക്ക് കാര്മികത്വം വഹിച്ചു. വിവാഹത്തിന്റെ ഭാഗമായി രണ്ടായിരംപേര്ക്കുള്ള സദ്യയും ഒരുക്കിയിരുന്നു. വേദിയില്വച്ച് മകന് അമിത്തിനായി പിറന്നാള്കേക്കും മുറിച്ചു.
https://www.facebook.com/Malayalivartha