ബോയിംഗ് വിമാനത്തെ വിവാഹം കഴിക്കാനൊരുങ്ങുന്നു യുവതി
ബോയിംഗ് വിമാനത്തെ ജീവിതപങ്കാളിയാക്കാനൊരുങ്ങുകയാണ് ജര്മന്കാരി മിഷേല് കോബ്കെ. ബോയിംഗ് 737/800 ജെറ്റ് വിമാനത്തെയാണ് മുപ്പതുകാരിയായ മിഷേല് ജീവനുതുല്യം പ്രണയിക്കുന്നത്. വിമാനത്തിന് ഷാറ്റ്സ് എന്ന ഓമനപ്പേരുമിട്ടു. ജര്മന് ഭാഷയില് പ്രിയപ്പെട്ടവന് എന്നാണ് ഇതിന്റെ അര്ഥം.
2014-ല് മിഷേല് സെയില്സ്വുമണായി ജോലിചെയ്യുന്ന സമയത്താണ്, ബെര്ലിനിലെ വിമാനത്താവളത്തില് വച്ച് ബോയിംഗ് 737/800 ജെറ്റ് വിമാനം ആദ്യമായി കാണുന്നത്. അപ്പോള് തന്നെ വിമാനം മിഷേലിന്റെ ഹൃദയം കവര്ന്നു. പിന്നീട് വിമാനത്താവളത്തിലെ ജനാലകള് വഴി മാത്രം കണ്ടുകൊണ്ടിരുന്ന തന്റെ വിമാനത്തെ ഒരു തവണ മാത്രമാണ് മിഷേലിന് വീണ്ടും നേരിട്ടു കാണാനായത്. കഴിഞ്ഞ സെപ്റ്റംബറിലായിരുന്നു ആ കൂടിക്കാഴ്ച. അന്ന് തന്റെ പ്രിയതമന് ഒരു സ്നേഹചുംബനം നല്കിയിരുന്നുവെന്നും മിഷേല് പറയുന്നു. അടുത്ത തവണ അടുത്തു കാണുമ്പോള് വിവാഹം ചെയ്യുമെന്നാണ് മിഷേല് അറിയിച്ചത്. മാര്ച്ചില് ആംസ്റ്റര്ഡാമില് നടക്കുന്ന സ്വകാര്യ ചടങ്ങില് അടുത്ത ബന്ധുക്കളും സുഹൃത്തുക്കളും മാത്രം പങ്കെടുക്കും.
ഒരു എയര്ക്രാഫ്റ്റ് മെക്കാനിക് ആകാനാണ് തന്റെ ആഗ്രഹമെന്നു പറയുന്ന മിഷേലിന് വിമാനങ്ങളുടെ ഭാഗങ്ങള് ശേഖരിച്ചു വയ്ക്കല് ഒരു ഹോബിയാണ്.അതേസമയം, മിഷേലിന് വിമാനത്തോട് തോന്നുന്ന പ്രണയത്തെ 'ഒബ്ജക്ടോഫീലിയ' എന്ന ശാരീരികാവസ്ഥയായാണ് വൈദ്യശാസ്ത്രം വിലയിരുത്തുന്നത്. നിര്ജീവ വസ്തുക്കളോട് പ്രണയമോ ലൈംഗിക ആകര്ഷണമോ തോന്നുന്ന അവസ്ഥയാണ് 'ഒബ്ജക്ടോഫീലിയ' അഥവ ഒബ്ജക്ട് സെക്ഷ്വാലിറ്റി.
https://www.facebook.com/Malayalivartha