കോവിഡ് കാലം...ശര്‍ക്കരക്കാലം !
ലോക്ഡൗണിന്റെ ഭാഗമായി മദ്യഷാപ്പുകളും അടച്ചിടുമെന്ന അറിയിപ്പു വന്നതിനു പിറകെ ശര്‍ക്കരയ്ക്ക് ആവശ്യമേറി.
വിദേശമദ്യം കിട്ടാതായതോടെ ചിലര്‍ വ്യാജമദ്യം ഉണ്ടാക്കാന്‍ തുടങ്ങിയതോടെയാണ് പലചരക്കു കടയില്‍ ശര്‍ക്കരയ്ക്ക് ആവശ്യമേറിയത്.
രണ്ടും മൂന്നും അഞ്ചും കിലോ വരെയാണ് ചിലരെല്ലാം ശര്‍ക്കര വാങ്ങിയത്. ആദ്യമൊക്കെ കച്ചവടക്കാര്‍ കൂടുതല്‍ കൊടുത്തെങ്കിലും ഇപ്പോള്‍ മിക്ക കടകളിലും 1 കിലോ വീതം കൊടുക്കാനും ഇല്ലാതായി.
മദ്യവില്‍പനശാലകള്‍ പൂര്‍ണമായും അടച്ചതോടെ വ്യാജ വാറ്റു നിര്‍മാണകേന്ദ്രങ്ങള്‍ സജീവമായി.
തിരൂരും തീരദേശ മേഖലകളും കേന്ദ്രമാക്കി വന്‍തോതില്‍ വ്യാജമദ്യം നിര്‍മിക്കുന്നതായാണു പരാതി. തിരൂര്‍, താനൂര്‍, പുറത്തൂര്‍, വെട്ടം, മംഗലം തുടങ്ങിയ സ്ഥലങ്ങളില്‍ ഇത്തരത്തിലുള്ള വ്യാജ വില്‍പനകേന്ദ്രങ്ങള്‍ ധാരാളമുണ്ട്.
ഭാരതപ്പുഴയിലെയും തിരൂര്‍-പൊന്നാനി പുഴയിലെയും തുരുത്തുകളിലും വ്യാജ വാറ്റ് നിര്‍മാണ കേന്ദ്രങ്ങള്‍ മുന്‍പും പ്രവര്‍ത്തിച്ചിരുന്നു.
ഇന്നലെ എക്‌സൈസ് സംഘം നടത്തിയ തിരച്ചിലില്‍ തിരൂര്‍ വെട്ടം സ്വദേശി മണികണ്ഠനില്‍ നിന്ന് 25 ലീറ്റര്‍ വാഷ് പിടിച്ചെടുത്തു. ഇതില്‍ നിന്ന് 50 ലീറ്ററോളം വ്യാജമദ്യം ഉണ്ടാക്കാന്‍ സാധിക്കും. മണികണ്ഠനെ അറസ്റ്റ് ചെയ്തു.
https://www.facebook.com/Malayalivartha
