വിദ്യാസമ്പന്നരാണെങ്കിലും സംസ്കാര ശൂന്യരായ മനുഷ്യർക്കിടയിലാണ് നമ്മൾ ജീവിക്കുന്നത്. ഇത് തെളിയിക്കുന്ന ഒട്ടനവധി സംഭവങ്ങൾ നിത്യേന പൊതുയിടങ്ങളിൽ കാണാൻ സാധിക്കും. പബ്ലിക്കായി മലമൂത്രവിസർജനം നടത്തുക, പൊതുബോധമില്ലാതെ പെരുമാറുക തുടങ്ങി ഒരുപാട് സംഭവങ്ങൾ.

ഇപ്പോളിത വിമാനത്തിനുള്ളിൽ അത്തരത്തിൽ ഒരു സംഭവം ഉണ്ടായിരിക്കുകയാണ്. വിമാനത്തിൽ ഗുട്ട്ക മുറുക്കി തുപ്പിയതിന്റെ ചിത്രമാണ് സോഷ്യൽ മീഡിയയിൽ വെെറലായിരിക്കുന്നത്. വിൻഡോ സീറ്റിൽ ഇരുന്ന യത്രക്കാരനിൽ ആരോ ആണ് ഈ വൃത്തികേട് കാണിച്ചിരിക്കുന്നത്.

അവനീഷ് ശരൺ ഐഎഎസ് ആണ് സോഷ്യൽ മീഡിയയിൽ ചിത്രം പങ്കുവച്ചത്. 'വിമാനത്തിൽ വിൻഡോ സീറ്റിന് അരികിലാണ് ഗുട്ട്ക മുറുക്കി തുപ്പിയിരിക്കുന്നത്. ആരോ അവരുടെ സംസ്‌കാരം അവിടെ ഉപേക്ഷിച്ച് പോയിരിക്കുന്നു...എന്ന് കുറിച്ച് കൊണ്ടാണ് അവനീഷ് ശരൺ ചിത്രം പങ്കുവച്ചത്.

ചിത്രം കണ്ട് സമ്മിശ്ര പ്രതികരണമാണ് സോഷ്യൽ മീഡിയയിൽ നിന്നുയർന്നിരിക്കുന്നത്.ഇത് ചെയ്തവർക്ക് എതിരെ ശക്തമായ നടപടി എടുക്കണമെന്ന് എയർലൈൻസിനോട് പലരും ആവശ്യപ്പെട്ടിട്ടുണ്ട്. സീറ്റ് നമ്പർ പരിശോധിച്ച് ആ യാത്രക്കാരന് വിമാന യാത്രയ്ക്ക് വിലക്ക് ഏർപ്പെടുത്തണമെന്നാണ് ഒരാൾ കമന്റ് ചെയ്തിട്ടുണ്ട്.

മറ്റ് ചിലർ സംഭവത്തെ കളിയാക്കി പരിഹാസരൂപേണ പല കമന്റുകളുമിട്ടിട്ടുണ്ട്. കൊവിഡ് വ്യാപിച്ചതോടെ പൊതുസ്ഥലങ്ങളിൽ തുപ്പുന്നതിന് കർശന നിർരോധനമാണ് ഏർപ്പെടുത്തിയിട്ടുള്ളത്. കേസുകൾ ഇപ്പോഴും റിപ്പോർട്ട് ചെയ്യപ്പെടുന്ന സാഹച്രയത്തിലാണ് ഇത്തരം ഒരു സംഭവം ഉണ്ടായിരിക്കുന്നത്.