പരാതി പരിഹരിക്കുന്നത് പിന്നീടാകാം, ആദ്യം തലതുവര്ത്തട്ടെ..! കാക്കിക്കുള്ളിലെ മനുഷ്യത്വത്തിന്റെ നേര്ക്കാഴ്ചയായി ഒരു ചിത്രം
സുകൃതം പെയ്തിറങ്ങിയ ചെറിയ പെരുന്നാള്നൊയമ്പുകാലത്ത് കാക്കിക്കുള്ളിലെ മനുഷ്വത്വത്തിന്റെ നേര്ക്കാഴ്ച സമൂഹ മാധ്യമങ്ങളില് വൈറലായിമാറി. കരിങ്കുന്നം പോലീസ് സ്റ്റേഷനില് പരാതി പറയാനെത്തിയ വിദ്യാര്ഥിയുടെ തല തുവര്ത്തിക്കൊടുക്കുന്ന പോലീസുകാരന്റെ ചിത്രമാണ് സമൂഹ മാധ്യമങ്ങളില് തരംഗമായത്. ഇതോടെ മകനോടെന്ന പോലെ വിദ്യാര്ഥിയ്ക്ക് തല തുവര്ത്തിക്കൊടുക്കുന്ന സ്റ്റേഷനിലെ സീനിയര് സിവില് പോലീസ് ഓഫീസര് മുഹമ്മദ് അനസും താരമായി.
കഴിഞ്ഞ വ്യാഴാഴ്ചയാണ് ദൃശ്യത്തിനാസ്പദമായ സംഭവം . തൊടുപുഴ-പാല റൂട്ടില് മാനത്തൂര് സ്വകാര്യ സ്കൂളില് എട്ടാം ക്ലാസില് പഠിക്കുന്ന ഷെല്ബിന് ആണ് പരാതി നല്കാന് സ്റ്റേഷനില് നനഞ്ഞൊലിച്ചെത്തിയത്. ഷെല്ബിന് ബസ് കയറുന്ന കുഴിമറ്റത്ത് രാവിലെ സ്വകാര്യ ബസുകള് പതിവായി നിര്ത്തുന്നില്ലായെന്നായിരുന്നു പരാതി. മറ്റാരോടും പറയാതെയാണ് നീതി തേടി ഈ എട്ടാം ക്ലാസുകാരന് പോലീസ് സ്റ്റേഷനിലെത്തിയത്. എന്നാല് നനഞ്ഞൊലിച്ച് പരാതി പറയാനെത്തിയ ഷെല്ബിന്റെ തല തുവര്ത്തി ക്കൊടുക്കുകയായിരുന്നു മുഹമ്മദ് അനസ് എന്ന പോലീസുകാരന് ആദ്യം ചെയ്തത്.
പിന്നീട് എസ്ഐ എം.എം.വിജയന്റെ മുന്നില് കുട്ടിയെയെത്തിച്ചു. എസ്.ഐ ഉടന് തന്നെ കുട്ടിയെ കയറ്റാതെ പോയ ബസിന്റെ ഉടമയെയും ജീവനക്കാരെയും വിളിച്ചു വരുത്തി മേലില് ആവര്ത്തിക്കരുതെന്ന താക്കീതും നല്്കി. തുടര്്ന്ന് ഷെല്ബിനെ ആശ്വസിപ്പിച്ച് മഴ തോര്ന്ന ശേഷമാണ് സ്റ്റേഷനില് നിന്നും പറഞ്ഞു വിട്ടത്. പലപ്പോഴും സ്റ്റോപ്പില് നിന്നും കയറാന് യാത്രക്കാരില്ലാത്തതിനാലാണ് ബസുകാര് കുഴിമറ്റം സ്റ്റോപ്പില് നിര്ത്താതെ പോകുന്നത്.
പോലീസ് സ്റ്റേഷനുകളെക്കുറിച്ചുള്ള പൊതു സമൂഹത്തിന്റെ കാഴ്ചപ്പാടു മാറ്റിമറിക്കുന്നതായി കരിങ്കുന്നം സ്റ്റേഷനില് നിന്നുള്ള ഹൃദയസ്പര്ശിയായ ഈ ചിത്രം. സംഭവത്തെക്കുറിച്ച് ചോദിച്ചപ്പോള്, സ്വന്തം മക്കളെപ്പോലെയല്ലെ എല്ലാ കുട്ടികളും, അതാണ് ഷെല്ബിന് നനഞ്ഞു കയറി വന്നപ്പോള് ചേര്ത്തു നിര്ത്തി തല തുവര്ത്തിക്കൊടുത്തതെന്നായിരുന്നു മുഹമ്മദ് അനസിന്റെ മറുപടി.
https://www.facebook.com/Malayalivartha