ഒരു സെല്ഫിയ്ക്ക് കൊടുക്കേണ്ടി വന്ന വില!
അമേരിക്കന് പ്രസിഡന്റ് ഡൊണാള്ഡ് ട്രംപിനൊപ്പമുള്ള സെല്ഫി വിവാഹമോചനത്തിന് കാരണമായെന്ന് ആരോപിച്ച് മിയാമി ഡോള്ഫിന് ചിയര് ലീഡര് ലിന് രംഗത്ത്. പാം ബീച്ചിലെ മുതിര്ന്ന അഭിഭാഷകനായ ഡേവ് അരോണ്ബെര്ഗായിരുന്നു ലിന്നിന്റെ ഭര്ത്താവ്. റിപ്പബ്ലിക്കന് പാര്ട്ടിയെ ലിന് പിന്തുണക്കുമ്പോള് ഡേവിന് ആഭിമുഖ്യം ഡെമാക്രാറ്റിക് പാര്ട്ടിയോടായിരുന്നു.
അമേരിക്കന് പ്രസിഡന്റ് ആയി ഡോണാള്ഡ് ട്രംപ് സ്ഥാനമേല്ക്കുന്നതിന് മൂന്നാഴ്ച മുന്പാണ് ലിന്, ട്രംപ്, മെലാനിയ എന്നിവര് ഒരുമിച്ച് സെല്ഫി പകര്ത്തിയത്. അന്ന് ഡേവും ഇവര്ക്കൊപ്പമുണ്ടായിരുന്നു. എന്നാല് ഫോട്ടോ പകര്ത്തുമ്പോള് അദ്ദേഹം ഒഴിഞ്ഞുമാറുകയായിരുന്നു. ഈ സെല്ഫിയാണ് ഇപ്പോള് ഇരുവരും തമ്മിലുള്ള വിവാഹ മോചനത്തിന് പ്രധാന കാരണമായതെന്നാണ് ലിന് പറയുന്നത്.
ചിത്രത്തിന് പോസ് ചെയ്യരുതെന്ന് ഡേവ് ആവശ്യപ്പെട്ടെങ്കിലും താന് അത് ചെവികൊണ്ടില്ല. സോഷ്യല് മീഡിയ വാളുകളില് ചിത്രങ്ങള് നിറയുകയും പിന്നീട് അത് ഗോസിപ്പ് കോളങ്ങളിലേക്ക് വഴി മാറുകയും ചെയ്യുകയായിരുന്നു. ഗോസിപ്പുകള് വിവാഹബന്ധത്തില് ഒറ്റപ്പെടലിനും കാരണമായി.
മിയാമി ഡോള്ഫിന്റെ ചിയര്ലീഡറായിരുന്നു ലിന് 2000-ല് ആണ് ഡോവുമായി പരിചയപ്പെടുന്നത്. പിന്നീട് അമേരിക്കയിലെ പാം ബീച്ചില് വച്ച് 2015-ല് ഇരുവരും വിവാഹതരാവുകയായിരുന്നു.
https://www.facebook.com/Malayalivartha
