വാര്‍ത്താ പ്രക്ഷേപണത്തിന് ഭീഷണി സൃഷ്ടിച്ചുകൊണ്ട് 'ലൈവായി' ന്യൂസ് റൂമിലെത്തിയ പാമ്പിനെ കയ്യോടെ പിടികൂടുന്ന ജീവനക്കാരിയുടെ വീഡിയോ വൈറലാകുന്നു.

അപ്രതീക്ഷിതമായി ന്യൂസ് റൂമില്‍ എത്തപ്പെട്ട പാമ്പിനെ യാതൊരു അറപ്പുമില്ലാതെ കൈകൊണ്ട് എടുത്ത് ഒഴിവാക്കുകയാണ് അവര്‍ ചെയ്യുന്നത്.

ഓസ്‌ട്രേലിയയിലെ '9 ന്യൂസ്' ചാനലിലാണ് സംഭവം. എഡിറ്റിങ് സ്യൂട്ടിലെ കമ്പ്യൂട്ടര്‍ വയറുകള്‍ക്ക് ഇടയില്‍ ചൂളിച്ചുരുണ്ട് കിടന്ന പാമ്പിനെ കാമറാമാനാണ് ആദ്യം കണ്ടത്.

കുറച്ചു സമയത്തേക്കെങ്കിലും ന്യൂസ് റൂമിനെ സ്തംഭിപ്പിക്കാമെന്ന പ്രതീക്ഷയോടെ എത്തിയ പാമ്പിനെ കൈ കൊണ്ട് എടുത്ത് കവറിലേയ്ക്ക് ഇടുകയാണ് ജീവനക്കാരി ചെയ്തത്.