നാം കഷ്ടപ്പെട്ട് നട്ട് പരിപാലിച്ച തോട്ടത്തില്‍ നിന്നും അനുവാദമില്ലാതെ ആരെങ്കിലും ഫലം പറിച്ചാല്‍ നാം എന്തു ചെയ്യും..? എന്നാല്‍ പറിക്കുന്നത് ബോളിവുഡ് സുന്ദരി ശില്‍പ ഷെട്ടിയാണെങ്കിലോ..? ആ രസകരമായ വീഡിയോ ആണ് ഇന്ന് സേഷ്യല്‍ മീഡിയയിലെ താരം.

അഹമ്മദാബാദിലെ ഷിര്‍ഡിയില്‍ അവധിക്കാലമാഘോഷിക്കാന്‍ പോയതാണ് ശില്‍പഷെട്ടിയും മകന്‍ വിയാനും. എന്നാല്‍ ഏക്കര്‍ കണക്കിന് പരന്ന് കിടക്കുന്ന മാതളനാരങ്ങയുടെ തോട്ടം കണ്ടതോടെ ശില്‍പ്പ ശരിക്കും അമ്പരന്നു. തന്റെ മകനായി ഒരു മാതളനാരങ്ങ 'മോഷ്ടിക്കുകയും' ചെയ്തു താരം.

എന്നാല്‍ മാതളം മോഷ്ടിച്ച 'കള്ളനെ' തിരിച്ചറിഞ്ഞ കര്‍ഷകനോടൊപ്പം ഒരു സെല്‍ഫി എടുത്ത് വിഷയം തീര്‍പ്പാക്കി. തന്റെ ഇന്‍സ്റ്റഗ്രാം അക്കൗണ്ടിലൂടെയാണ് ശില്‍പ ഈ മോഷണക്കഥ പങ്കുവെച്ചത്.