സൂപ്പര്‍മാര്‍ക്കറ്റില്‍ നിന്നും അവിടെയുണ്ടായിരുന്ന എല്ലാ ഹാംബര്‍ഗ്ഗര്‍ പാക്കറ്റുകളും മോഷ്ടിച്ച് ഒരു യുവതി. ഇംഗ്ലണ്ടിലെ ബ്രിസ്‌റ്റോളിലാണ് സംഭവം. മോഷണത്തില്‍ കലിപൂണ്ട കടയുടമ സണ്ണി പട്ടേല്‍ ചെയ്തതോ...കടയിലെ സിസിടിവിയിലെ ദൃശ്യങ്ങള്‍ അങ്ങ് പൊതുവായി പ്രദര്‍ശിപ്പിച്ചു. പോലീസ് കേസൊന്നും വേണ്ട,അവള്‍ നാണംകെടുന്നത് കാണണം എന്നാണ് കക്ഷിയുടെ നിലപാട്.

വീഡിയോ ദൃശ്യങ്ങളില്‍ കാണുന്നത് പോലെ ഒരു ബാഗുമായി വന്ന യുവതി ഹാംബര്‍ഗ്ഗര്‍ ഇരിക്കുന്ന സെക്ഷനില്‍ എത്തി ഓരോന്നായി ബാഗിനുള്ളിലാക്കി. തിരിഞ്ഞ് പോകാന്‍ തുടങ്ങിയ ശേഷവും വീണ്ടും അവിടെ ബാക്കിയുണ്ടായിരുന്നതും കൂടി കാലിയാക്കി.

സംഭവത്തിലെ വില്ലത്തിയെ നേരത്തെ ഈ ഷോപ്പില്‍ വരുന്നതില്‍ നിന്നും വിലക്കിയിരുന്നു. എന്നിട്ടും മോഷ്ടിക്കാനായി വരികയായിരുന്നു.