ആരുടെയും ഹൃദയം നിലച്ചു പോകുന്ന ദൃശ്യങ്ങളാണ് ഇന്തോനേഷ്യയില്‍ നിന്ന് പുറത്ത് വരുന്നത്. ആള്‍ക്കൂട്ടത്തിന് നടുവിലുള്ള ഒരു കൊച്ചു കുട്ടിയുടെ മുന്നിലേക്ക് കൂറ്റന്‍ പാമ്പ് ചീറിയടുക്കുന്നു.

എന്നാല്‍ പാമ്പിന് മുന്‍പില്‍ നൃത്തം ചെയ്യുകയാണ് കൊച്ചു കുട്ടി ചെയ്യുന്നത്. ആളുകള്‍ ഭയന്ന് മാറി നില്‍ക്കുമ്പോഴാണ് കൊച്ചു കുട്ടി പാമ്പിന് മുന്‍പില്‍ യാതൊരു ഭയവുമില്ലാതെ നില്‍ക്കുന്നത്.

കൈകള്‍ ഉയര്‍ത്തി പാമ്പിന്റെ മുന്നില്‍ നൃത്തം ചെയ്യുന്ന കുട്ടിയുടെ മുന്നിലേക്ക് പാമ്പ് ചീറ്റി അടുക്കുന്നുമുണ്ട്. പുറകോട്ട് തെന്നി മാറുന്ന കുട്ടി പിന്നെയും പാമ്പിന് മുന്നില്‍ നൃത്തം ചെയ്യുന്നതും കാണാം. തുടര്‍ന്ന് പാമ്പിന്റെ പിന്നിലെത്തിയ കുട്ടി വെറും കൈയ്യോടെ പാമ്പിനെ പൊക്കി എടുക്കുമ്പോഴാണ് മറ്റൊരാള്‍ ധൈര്യപൂര്‍വ്വം മുന്നോട്ട് അടുക്കുന്നത്.

തുടര്‍ന്ന് വീണ്ടും പാമ്പിനെ റോഡിലേക്ക് ഇടുകയും നൃത്തം ചെയ്യുകയും ചെയ്യുന്നു. ഇന്‍സ്റ്റഗ്രാമില്‍ പോസ്റ്റ് ചെയ്തിരിക്കുന്ന ഈ വീഡിയോ ഇന്തോനേഷ്യയിലാണ് ചിത്രീകരിച്ചിരിക്കുന്നത്. ഇന്‍സ്റ്റഗ്രാമില്‍ അപ്ലോഡ് ചെയ്ത ശേഷം ഈ വീഡിയോ 240,000ലധികം തവണയാണ് ആളുകള്‍ കണ്ടത്.