മത്തന്‍ കുത്തിയാല്‍ കുമ്പളം മുളയ്ക്കില്ല; കൊച്ചുകുട്ടിയുടെ കൗതുകം നിറഞ്ഞ പാമ്പ് പിടുത്തം വൈറലാകുന്നു(വീഡിയോ)
പാമ്പിനെ കണ്ടാല്‍ ഇവിടെല്ലാവരും വാവാ സുരേഷിനെ ഓര്‍മ്മിക്കുന്ന ഒരവസ്ഥയാണ് ഇന്ന്. എന്നാല്‍ വാവാ സുരേഷിനെ പോലും വെല്ലുന്ന പെര്‍ഫോമന്‍സ് കാഴ്ച വെച്ചിരിക്കുകയാണ് ഈ കൊച്ചുകുട്ടി. ചെറിയ കുട്ടിയാണെങ്കിലും ആളൊരു കേമന്‍ തന്നെ. സോഷ്യല്‍ മീഡിയയിലെ താരം ഇപ്പോള്‍ ഇവനാാണ്.
ഗോള്‍ഡ് കോസ്റ്റ് ആന്‍ഡ് ബ്രിസ്‌ബേന്‍ സ്‌നേക്ക് ക്യാച്ചര്‍ പാമ്പുപിടുത്തസ്ഥാപനത്തിന്റെ ഉടമയായ അവന്റെ അച്ഛനൊപ്പമാണ് കുട്ടിയുടെ പ്രകടനം. ഒരു വവ്വാലിനെ ചുറ്റിവരിഞ്ഞ് കിടക്കുകയായിരുന്നു പെരുമ്പാമ്പ്. പാമ്പിനെ ചാക്കിലാക്കാന്‍ സഹായിക്കുകയാണ് ഈ കുഞ്ഞന്‍. പിന്നീട് പാമ്പിന്റെ വാല്‍ഭാഗം തൂക്കിയെടുത്ത് ചാക്കിലാക്കുകയും ചെയ്യുന്നു ഈ വീരസാഹസികന്‍. ഇത്ര ചെറുതിലെ ഒരു പേടിയുമില്ലാതെ പാമ്പിനെ തൊട്ടുകളിക്കുന്നവന്‍ ഇവനെ പോലെയുള്ളവര്‍ മാത്രമായിരിക്കും.
ലൈവായിട്ടാണ് ആദ്യം തന്നെ വീഡിയോ പുറത്തുവിട്ടത്. അതിനാല്‍ കുഞ്ഞ് ഇതില്‍ ഇടപെടുന്നത് കണ്ടപ്പോഴേ ആളുകള്‍ അതിശയിച്ചു. മുളയിലേ അറിയാം മുളങ്കരുത്ത് എന്നാണല്ലോ പറയുന്നത്. എന്തായാലും കുട്ടിയുടെ സാഹസികതയ്ക്ക് മികച്ച പ്രതികരണമാണ് സോഷ്യല്‍ മീഡിയയില്‍ നിന്നും ലഭിക്കുന്നത്.
https://www.facebook.com/Malayalivartha
