23 അടി നീളമുള്ള ഭീമന് പെരുമ്പാമ്പുമായി ഏറ്റു മുട്ടിയ യുവാവ് അതീവ ഗുരുതരാവസ്ഥയില്
ഇന്തോനേഷ്യയില് കണ്ടെത്തിയ 23 അടി നീളമുള്ള ഭീമന് പാമ്പിനെ കൊല്ലുന്നതിനിടെ ഗുരുതരമായ പരുക്കേറ്റ 37 കാരന് ആശുപത്രിയിലായി. ഇവിടുത്തെ ഇന്ദ്രഗിരി ഹുലു റിജന്സി ഏരിയയിലെ ഓയില് പ്ലാന്റേഷനിലെ സെക്യൂരിറ്റി ഗാര്ഡായ റോബര്ട്ട് നബാബനാണ് അമിത ധൈര്യവും ആവേശവും കാട്ടി അപകടത്തിലായിരിക്കുന്നത്. താന് ജോലി കഴിഞ്ഞ് വരുമ്പോള് ഈ വലിയ പാമ്പ് റോഡില് വിലങ്ങനെ കിടന്ന് യാത്രക്കാര്ക്ക് തടസം സൃഷ്ടിച്ചതത് കണ്ട് അദ്ദേഹം പാമ്പിനെ മാറ്റാന് ശ്രമിക്കുകയും പാമ്പ് അയാള്ക്ക് നേരെ തിരിയുകയുമായിരുന്നു.
ഏറെ സമയമെടുത്ത സാഹസികമായ പോരാട്ടത്തിനൊടുവില് റോബര്ട്ട് പാമ്പിനെ വകവരുത്തിയെങ്കിലും അയാള്ക്ക് പാമ്പിന്റെ കടിയേറ്റും മറ്റും ഗുരുതരമായ പരുക്കേല്ക്കുകയായിരുന്നു. സിനിമകളിലും കാര്ട്ടൂണുകളിലും മാത്രമല്ല ഇത്തരം കൂറ്റന് പാമ്പുകളുള്ളത് എന്നാണ് ഈ സംഭവം തെളിയിക്കുന്നത്.
നിലവില് ചത്ത പാമ്പിനെ കാണാന് ആയിരങ്ങള് ഒഴുകി എത്തിയിരുന്നുവെന്നാണ് റിപ്പോര്ട്ട്. റിയാനു പ്രവിശ്യയിലെ റോഡിന് നടുവില് വച്ച് റോബര്ട്ടും പാമ്പും തമ്മില് ഭയാനകവും സാഹസികവുമായ പോരാട്ടം തന്നെയായിരുന്നു നടത്തിയിരുന്നത്.
താന് പാമ്പിനെ പിടിച്ചടക്കാന് ശ്രമിക്കുന്നതിനിടയില് അത്് തന്റെ കൈയ്ക്ക് കടിക്കുകയായിരുന്നു വെന്നാണ് ആശുപത്രിക്കിടക്കയില് വച്ച് റോബര്ട്ട് പ്രതികരിച്ചിരിക്കുന്നത്. കടുത്ത പോരാട്ടത്തിന് ശേഷം തനിക്കതിനെ കൊല്ലാന് സാധിച്ചുവെന്ന് അവശതക്കിടയിലും ഇദ്ദേഹം അഭിമാനത്തോടെയാണ് പറഞ്ഞത്. തുടര്ന്ന് റോബര്ട്ടിന്റെ ഗ്രാമത്തില് ഈ ഭീമന് പാമ്പിന്റെ ജഡം പ്രദര്ശനത്തിന് വയ്ക്കുകയായിരുന്നു.
https://www.facebook.com/Malayalivartha
