കേരളരാഷ്‌ടീയത്തിൽ ശോഭന ജോര്‍ജ്ജ് എന്നും വിവാദങ്ങളുടെ കൂടെയായിരുന്നു. ലീഡർ കെ. കരുണാകരന്റെ വത്സല ശിഷ്യയായി ശോഭന ജോര്‍ജ്ജ് രാഷ്‌ടീയത്തിൽ വലിയ നേട്ടമാണ് കൊയ്തു വന്നത്. ശോഭന ജോര്‍ജിന്റെ വളർച്ചയിൽ അസൂയാലുക്കളായ യുവ കേസരികൾ അന്ന് തൊട്ടേ വിവാദമുണ്ടാക്കി കൊണ്ടേയിരുന്നു.

തുടർന്ന് പാർട്ടിക്കെതിരെ പ്രവർത്തിച്ചു എന്ന കാരണത്താൽ കോൺഗ്രസ്സിൽ നിന്നും പുറത്താക്കി. അങ്ങനെ തിരഞ്ഞെടുപ്പിൽ ശോഭന ജോര്‍ജ്ജിന് തുടർച്ചയായി സീറ്റുകൾ നിഷേധിച്ച് ഇതിൾ പ്രതിഷേധിച്ച് ഇക്കഴിഞ്ഞ ചെങ്ങന്നൂർ ഉപതെരഞ്ഞ്ഞെടുപ്പിൽ ഇടത് പക്ഷ സഹയാത്രികയായി മാറി. ഈ ഒരു അവസരത്തിലാണ് മീ ടൂ എന്ന ചോദ്യ ചിഹ്നത്തോടെ ഫേസ് ബുക്ക് പോസ്റ്റിട്ടിരിക്കുന്നത്. ഇതോടെ പല പഴയകാല നേതാക്കളും അമ്പരപ്പിലാണ്. കുടുതലും നെഞ്ചിടിപ്പോടെ കോൺഗ്രസ്സിലെ ഒരു ഉന്നത നേതാവ്. കാരണം ശോഭന ജോര്‍ജ്ജ് പറഞ്ഞാൽ പറഞ്ഞതാണ്.

മീ ടൂ? എന്നാണ് അവര്‍ തന്റെ ഫേസ് ബുക്കില്‍ കുറിച്ചിരിക്കുന്നത്. ഇതിന്റെ താഴെ നിരവധി അഭിപ്രായങ്ങളാണ് വരുന്നത്. കോണ്‍ഗ്രസ്സുകാര്‍ പരിഹസിച്ചും സിപിഎം കാര്‍ അനുകൂലിച്ചുമാണ് കമന്റ്. എന്തായാലും വരും ദിവസങ്ങളില്‍ മീ ടൂ കാമ്ബെയിന്‍ രാഷ്രീയ മുതലെടുപ്പുകള്‍ക്കായി ഉപയോഗിക്കപ്പെടുമെന്ന സൂചനയാണ് കാണുന്നത്.