ഓണത്തിന് വിഷരഹിത പച്ചക്കറികള്‍ ജനങ്ങളിലേക്കെത്തിക്കുന്നതിനായി കുടുംബശ്രീ...
വിഷമില്ലാത്ത പച്ചക്കറികള്‍ ഓണത്തിന് ജനങ്ങളിലേക്കെത്തിക്കുന്നതിനായി കുടുംബശ്രീ വര്‍ഷംതോറും നടപ്പാക്കുന്ന 'ഓണക്കനി' പദ്ധതിയുടെ സംസ്ഥാനതല ഉദ്ഘാടനം കോട്ടുകാല്‍ പഞ്ചായത്തിലെ മരുതൂര്‍കോണം വാര്‍ഡില്‍ മന്ത്രി എം.ബി രാജേഷ് നിര്‍വഹിക്കും. രാവിലെ 9.30ന് നടക്കുന്ന ചടങ്ങില്‍ ജില്ലാപ്പഞ്ചായത്ത് പ്രസിഡന്റ് ഡി.സുരേഷ് കുമാര്‍ അദ്ധ്യക്ഷത വഹിക്കും.
കുടുംബശ്രീ കര്‍ഷകര്‍ മുഖേന ഈവര്‍ഷം സംസ്ഥാനത്ത് 10000 ഹെക്ടര്‍ സ്ഥലത്ത് കൃഷിയൊരുക്കും. തിരുവനന്തപുരം ജില്ലയില്‍ 83 സി.ഡി.എസുകളിലായി 1992 ഏക്കര്‍ സ്ഥലത്താണ് കൃഷി. കൃഷി ചെയ്യുന്നതിനാവശ്യമായ അത്യുത്പാദന ശേഷിയുള്ള സങ്കരഇനം പച്ചക്കറിത്തൈകള്‍ കുടുംബശ്രീ ജൈവിക പ്ലാന്റ് നഴ്‌സറികള്‍ മുഖേന തയ്യാറാക്കി കര്‍ഷകര്‍ക്ക് നല്‍കും.
പയര്‍, വെണ്ട,തക്കാളി, പാവല്‍, പടവലം, മത്തന്‍, വഴുതന, കുമ്പളം, ചുരയ്ക്ക, പച്ചമുളക് എന്നീ വിളകളുടെ ഹൈബ്രിഡ് വിത്തിനങ്ങളാണ് കൃഷിയ്ക്കായി ഉപയോഗിക്കുന്നത്.
"
https://www.facebook.com/Malayalivartha
