കോവിഡിനു മരുന്നുമായി പങ്കജകസ്തൂരി; ആയുര്വേദത്തിന്റെ മഹാത്ഭുതം; ഒരാഴ്ച്ചക്കുള്ളില് ഫലം ഉറപ്പെന്ന് കമ്പനി; പതജ്ഞലി ആകുമോ എന്തോ? പരീക്ഷണത്തിന് കേരളം അനമുതി നല്കിയിരുന്നില്ല
കോവിഡിന് മരുന്നുമായി കേരളത്തിന്റെ സ്വന്തം പങ്കജ കസ്തൂരി. അഞ്ചു മെഡിക്കല് കോളേജുകളിലായി നടക്കുന്ന ക്ലിനിക്കല് പരിശോധന അന്തിമഘട്ടതിലാണെന്നാണ് പങ്കജകസ്തൂരി ഹെര്ബല്സ് ഇന്ത്യ െ്രെപവറ്റ് ലിമിറ്റഡ് അവകാശപ്പെടുന്നത്. സിങ്കിവീര് എച്ച് എന്ന പേരിലാണ് മരുന്ന് വിപണിയിലെത്തുക. പങ്കജ കസ്തുരിയുടെ സ്ഥാപകനും പത്മശ്രീ ജേതാവുമായ ഡോ. ജെ. ഹരീന്ദ്രന് നായരുടെ നേതൃത്വത്തിലാണ് മരുന്ന് വികസിപ്പിച്ചെടുത്തത്. ഏഴ് ചേരുവകളുടെ മിശ്രിതത്തില് നിര്മ്മിച്ച ഒരു ഹെര്ബോമിനറല് മരുന്നാണ് സിങ്കിവീര് എച്ച്. ആയുര്വേദത്തിന്റെ അതിശകരമായ സാധ്യതകള് ഇവിടെ ആവര്ത്തികയാണെന്ന് കമ്പനി അവകാശപ്പെട്ടു.
കേരള സര്ക്കാന് അനുമതി നല്കാതിരുന്നതിനെ തുടര്ന്ന് കേരളത്തിന് പുറത്തുള്ള അഞ്ചു മെഡിക്കല് കോളേജുകളിലാണ് മനുഷ്യരിലെ പരീക്ഷണം നടന്നത്. 42 രോഗികളില് 22 പേര്ക്ക് സിംഗിവീര്എച്ച് ചികിത്സയും 20 പേര്ക്ക് പ്ലാസിബോ ഉപയോഗിച്ചും ചികിത്സ നല്കി. സിംഗിവീര്എച്ച് ചികിത്സിച്ച 22 രോഗികളെയും ആര്.ടി.പി.സി.ആര് മൊച്ചപ്പെടുകയും രോഗം മാറി നാലാം ദിവസം കോവിഡ് നെഗറ്റിവായി. പ്ലസിബോ ഉപയോഗിച്ച് ചികിത്സ നല്കിയ രോഗികള്ക്ക് അഞ്ചു മുതല് 11 ദിവസം വരെ സമയമെടുത്താണ് കോവിഡ് നെഗറ്റിവായത്. രോഗത്തിനെതിരെ പോരാടുന്നതിന് നമ്മുടെ പ്രതിരോധശേഷി നിര്ണായകമാണ്. സിങ്ങിവീര് എച്ച ശരീരത്തിന്റെ പ്രതിരോധ ശേഷി വര്ധിപ്പിക്കുമെന്ന് ഡോ. ഹരീന്ദ്രന് നായര് പറഞ്ഞു. 135 പേരില് കൂടി പരീക്ഷണം തുടരുകയാണ്. ഇതിന്റെ ഫലം ഉടനെ ലഭിക്കും. ജൂലൈ 20 ന് മുമ്പ് 247 പേരില് പരീക്ഷണം പൂര്ത്തിയാക്കാന് സാധിക്കും. അതിന് ശേഷം പരീക്ഷണം പ്രസിദ്ധീകരിക്കുമെന്നും അദ്ദേഹം പറഞ്ഞു.
എന്നാല് ഈ പരീക്ഷണങ്ങള്ക്ക് കേരള സര്ക്കാര് അനുമതി നല്കിയിരുന്നില്ല. എന്നാല് സിംഗിവീര്എച്ച് ഗുളികകള് കേരള സര്ക്കാറിന്റെ ഡ്രഗ്സ് ലൈസന്സ് നേടിയിരുന്നു. വൈറല് പനിക്ക് ഉപയോഗിക്കുന്ന ഗുളികളെന്നാണ് മരുന്നുകളില് ലേബല് ചെയ്തിരിക്കുന്നത്. കേന്ദ്ര ആയൂഷ് വകുപ്പിന്റെ അനുമതി ലഭിക്കുന്നതോടെ കോവിഡ് 19 എന്ന ലേബലും മരുന്നുകളില് വരും. 30 ഗുളികള് അടങ്ങിയ പാക്കറ്റിന് 375 രൂപയാണ് വില. ഒരു പാക്കറ്റ് മരുന്നുകൊണ്ടു തന്നെ രോഗം ഭേദമാകുമെന്നാണ് കമ്പനി അവകാശപ്പെടുന്നത്.
രാജീവ് ഗാന്ധി സെന്റര് ഫോര് ബയോടെക്നോളജിയിലും തിരുവനന്തപുരത്തെ സി.എസ്.ഐ.ആര്.എന്.ഐ.എസ്.ടിയിലുമാണ് ആദ്യ ഘട്ടത്തിലെ പരീക്ഷണങ്ങള് നടന്നത്. മൃഗങ്ങളുടെ പഠനങ്ങള് നിരുപദ്രവകരമാണെന്ന് തെളിഞ്ഞ ശേഷം, ക്ലിനിക്കല് ട്രയല് രജിസ്ട്രേഷന് ക്ലിനിക്കല് ട്രയല് രജിസ്ട്രി ഓഫ് ഇന്ത്യയില് അനുമതി ലഭിച്ചിരുന്നു. അതിനുശേഷം, ലോകാരോഗ്യ സംഘടനയുടെ (ഡബ്ല്യുഎച്ച്ഒ) ഐസിഎച്ച്ജിസിപി മാനദണ്ഡങ്ങള് അനുസരിച്ച് വിവിധ മെഡിക്കല് കോളേജുകളില് പരീക്ഷണം നടത്തുകയായിരുന്നു.
ഇതിന് മുമ്പ് കോവിഡിനെതരായ ആയൂര്വേദ മരുന്നെന്ന് അവകാശപ്പെട്ട് ബാബ രാംദേവിന്റെ പതജ്ഞലി മരുന്ന് ഇറക്കിയിരുന്നു. എന്നാല് ഇതിനെതിരെ പ്രതിഷേധം ശഖ്തമാകുകയും ആദ്യം അനുമതി നല്കിയ ഹിമചല് പ്രദേശ് സര്ക്കാര് അനുമതി പിന്വലിക്കുകയും ചെയ്തിരുന്നു. മഹാരാഷ്ട്ര സര്ക്കാര് ബാബ രാംദേവിനെതിരെ കേസ് രജിസ്റ്റര് ചെയ്യുകയും മഹാരാഷ്ട്രയില് നിന്നും മരുന്ന് പിന്വലിക്കുകയും ചെയ്തിരുന്നു. ഈ അവസ്ഥ പങ്കളകസ്തൂരിക്ക് വരില്ലെന്ന് പ്രതീക്ഷിക്കാം. കാരണം രാജ്യം അംഗീകരിച്ച ആയൂര്വേദ ഡോക്ടറാണ് ഹരീന്ദ്രന് നായര് എന്നതു തന്നെ.
https://www.facebook.com/Malayalivartha