ചൈനീസ് സൈന്യം ഇന്ത്യന് സേനയുടെ പട്രോളിംഗ് തടസപ്പെടുത്തുന്നു; അഞ്ചു പോസ്റ്റുകളില് പട്രോളിങ് നടത്താനാകാതെ ഇന്ത്യ; ചൈനയുടെ സൈനിക പിന്മാറ്റം ഭാഗികം മാത്രം; 80100 ചതുരശ്ര കിലോമീറ്റര് വിസ്തൃതിയിലുള്ള പ്രദേശത്തേക്ക് സൈനികര്ക്ക് എത്തിച്ചേരാനാകുന്നില്ലെന്ന് ഇന്ത്യന്
ഇന്ത്യയുമായുള്ള അതിര്ത്തി പ്രശ്നങ്ങള് ഇപ്പോഴും പരിഹരിക്കപ്പെട്ടിട്ടില്ലെന്ന് പ്രതിരോധമന്ത്രി രാജ്നാഥ് സിംഗ് പാര്ലമെന്റില് തുറന്ന് സമ്മതിച്ചിയിരുന്നു. ഇന്ത്യയുമായുള്ള അതിര്ത്തി നിര്ണയം അംഗീകരിക്കാന് ചൈന ഇപ്പോഴും തയ്യാറായിട്ടില്ലെന്നും അദ്ദേഹം കുറ്റപ്പെടുത്തുന്നു. ഇന്ത്യയും ചൈനയും തമ്മില് കൃത്യമായി അതിര്ത്തി നിര്ണ്ണയിക്കുന്നത് വരെ ഇരു രാജ്യങ്ങളും ലൈന് ഓഫ് ആക്ച്വല് കണ്ട്രോളിനെ മാനിക്കണമെന്നും സമാധാനം നിലനിര്ത്തുകയും ചെയ്യണമെന്നുമാണ് ഇന്ത്യ ആഗ്രഹിക്കുന്നത്. പക്ഷേ ചൈനയുടെ നടപടികള് ഇന്ത്യ പരിഹസിക്കുന്നതിന് തുല്ല്യമാണ്. ചൈനീസ് സൈന്യത്തിന്റെ സാന്നിധ്യത്തെ തുടര്ന്ന് നിയന്ത്രണരേഖയില് അഞ്ച് പോസ്റ്റുകളില് പട്രോളിങ് തടസ്സപ്പെട്ടതായി ഇന്ത്യ പറയുന്നു. ഡെസ്പാങിലെ വൈ ജംഗ്ഷനിലാണ് ചൈനീസ് സൈന്യം നിലയുറപ്പിച്ചിരിക്കുന്നത്. ഇതുമൂലം 10, 11, 11എ, 12,13 പോസ്റ്റുകളിലെ പട്രോളിങ് തടസ്സപ്പെടുന്നതായാണ് ഇന്ത്യ വ്യക്തമാക്കിയത്.
അതിര്ത്തി സംഘര്ഷം ലഘൂകരിക്കുന്നതിന്റെ ഭാഗമായി ഇരുസേനകളും നിയന്ത്രണ രേഖയില് നിന്നും പിന്മാറാന് തീരുമാനിച്ചിരുന്നു. ഇതിന്റെ ഭാഗമായി ചിലയിടങ്ങളില് നിന്നും ചൈനീസ് സൈന്യം ഭാഗികമായി പിന്വാങ്ങിയിരുന്നു. ഗാല്വന് താഴ്വരിലെ പട്രോളിങ് പോയിന്റ് 14, ഗോഗ്ര ഹോട്ട്സ്പ്രിംഗ്, ഫിംഗര് 4 എന്നിവിടങ്ങളില് നിന്ന് ചൈന സൈന്യത്തെ ഭാഗികമായി പിന്വലിച്ചു. എന്നാല് തന്ത്രപ്രധാനമായ ഡെപ്സാങ്ങില് നിന്നും ചൈനീസ് സേന ഒട്ടും പിന്മാറിയിട്ടില്ല. ചൈന നിലയുറപ്പിച്ചിരിക്കുന്ന പ്രദേശത്തെ, ഓരോ പോസ്റ്റിനും ഇടയില് ഏകദേശം 1520 കിലോമീറ്റര് പ്രദേശമുണ്ട്. ഏകദേശം 80100 ചതുരശ്ര കിലോമീറ്റര് വിസ്തൃതിയിലുള്ള പ്രദേശത്തേക്ക് സൈനികര്ക്ക് എത്തിച്ചേരാനാകുന്നില്ലെന്ന് ഇന്ത്യന് സൈനികര് സൂചിപ്പിച്ചു. പാംഗോംഗ് ത്സോയുടെ വടക്കന് തീരത്ത്, ഫിംഗര് 8 വരെ ഇന്ത്യന് സൈന്യം പട്രോളിങ് നടത്തുന്നുണ്ട്. എന്നാല് തന്ത്രപ്രധാനമായ ഡെസ്പാങിലെ ചൈനീസ് സാന്നിധ്യം ഇന്ത്യയ്ക്ക് കനത്ത വെല്ലുവിളിയാണെന്നും സൈന്യം സൂചിപ്പിക്കുന്നു.
കേന്ദ്രഭരണപ്രദേശമായ ലഡാക്കില് 38,000 ചതുരശ്ര കിലോമീറ്റര് പ്രദേശം കൈവശപ്പെടുത്താനുള്ള ശ്രമമാണ് ചൈന നടത്തിവരുന്നത്. 1963ലെ ഇന്ത്യ-ചൈന അതിര്ത്തി കരാര് അനുസരിച്ച് പാക് അധിനിവേശ കശ്മീരില് പാകിസ്ഥാന് ചൈനയ്ക്ക് പാകിസ്താന് 5180 ചതുരശ്ര കിലോമീറ്റര് സ്ഥലം നല്കി. അതിര്ത്തി പ്രദേശങ്ങളോട് ചേര്ന്ന് അടുത്ത കാലത്തായി സൈനിക വിന്യാസം ശക്തിപ്പെടുത്തുന്നതിനായി ചൈന വന്തോതിലുള്ള നിര്മാണ പ്രവര്ത്തനങ്ങളാണ് നടത്തിവരുന്നത്. അതിര്ത്തിയിലെ അടിസ്ഥാന സൗകര്യങ്ങള് ഇരട്ടിയാക്കുന്നതിനായി ഇന്ത്യയും ബജറ്റ് ഇരട്ടിയാക്കുകയാണ് കേന്ദ്ര സര്ക്കാര് ഇപ്പോള് ചെയ്യുന്നത്.
യുദ്ധസമാന നീക്കത്തിന് ഇന്ത്യ സന്നദ്ധമാണെന്ന് കേന്ദ്ര ആഭ്യന്തര മന്ത്രി തന്നെ വ്യക്തമാക്കിയിരുന്നു. ഇന്ത്യയുമായുള്ള എല്ലാ കരാറുകളും ലംഘിച്ചാണ് ചൈനീസ് സൈന്യം ഇന്ത്യന് സേനക്ക് നേരെ ആക്രമണം നടത്തിയത്. ഇന്ത്യന് സേന ശക്തമായി പ്രതിരോധിക്കുകയും അതിര്ത്തി സംരക്ഷിക്കുകയും ചെയ്തു. കോര്പ്സ് കമാന്ഡര് റാങ്കിലുള്ള ഉദ്യോഗസ്ഥര് ഇതിനകം അഞ്ച് തവണ കൂടിക്കാഴ്ച നടത്തിയിട്ടുണ്ട്. ഇരുരാജ്യങ്ങളിലെയും സൈനിക ഉദ്യോഗസ്ഥര് ഈ ആഴ്ച വീണ്ടും കൂടിക്കാഴ്ച നടത്തും. ആഗസ്റ്റ് 29ന് അര്ധരാത്രി നടത്തിയ സുപ്രധാന നീക്കത്തിലൂടെ ഇന്ത്യന് സൈന്യം പാങ്ഗോങ് ഝോയുടെ പടിഞ്ഞാറന് തീരത്തിലൂടെ നീങ്ങി തര്ക്കമേഖലയിലെ പ്രധാന ഉയരങ്ങളില് നിലയുറപ്പിച്ചിരുന്നു. അതേസമയം, ലഡാകിലെ പാങ്ഗോങ് സോ തടാകത്തിന്റെ തെക്ക് ഭാഗത്ത് ചൈനീസ് സൈന്യം ഒപ്ടിക്കല് ഫൈബര് കേബിളുകള് സ്ഥാപിക്കുകയാണെന്ന് റിപ്പോര്ട്ടുകള് വന്നിയുന്നു. ഇരു രാജ്യങ്ങളും തമ്മിലുള്ള സംഘര്ഷാവസ്ഥയ്ക്ക് അയവ് വരുത്തുന്നതിന് ഉന്നതതല ചര്ച്ചകള് നടക്കുന്നതിനിടെയുണ്ടായ ഈ ചൈനീസ് നടപടിയും അതിര്ത്തിയിലെ അന്തരീക്ഷം കലുക്ഷിതമാക്കുകയാണ്.
https://www.facebook.com/Malayalivartha