സ്വര്ണക്കടത്ത് കേസില് നിർണായക വഴിത്തിരിവ്... റമീസിന്റെ മൊഴിയിൽ മുഖ്യകണ്ണിയെ പൊക്കി കസ്റ്റംസ്! സ്വർണക്കടത്ത് നടത്തിയത് നയതന്ത്ര ചാനൽ വഴി.. കാരാട്ട് ഫൈസല് വന് നിക്ഷേപം നടത്തിയതായി സൂചന; വമ്പന്മാരുടെ ചങ്കിടിപ്പ് കൂടുന്നു... കാരാട്ട് ഫൈസല് വിചാരിക്കുന്നതിലും അപ്പുറം....
സ്വര്ണക്കടത്ത് കേസില് കോഴിക്കോട് കൊടുവള്ളി നഗരസഭയിലെ കൗണ്സിലറായ കാരാട്ട് ഫൈസലിനെ കസ്റ്റംസ് കസ്റ്റഡിയിലെടുത്തു. എന്നാൽ കാരാട്ട് ഫൈസല് സ്വര്ണക്കടത്തില് വന് നിക്ഷേപം നടത്തിയിരുന്നതായി കസ്റ്റംസ് വൃത്തങ്ങള് പുറത്ത് വിടുന്നത്. തിരുവനന്തപുരം കേന്ദ്രീകരിച്ചുളള സ്വര്ണക്കടത്തില് വര്ഷങ്ങളായി കാരാട്ട് ഫൈസലിന് ബന്ധമുണ്ടെന്നും കസ്റ്റംസ് സൂചന നല്കിയിരിക്കുകയാണ്. ഈ കേസില് കാരാട്ട് ഫൈസലിന് പ്രധാന പങ്കുണ്ടെന്നാണ് കസ്റ്റംസ് കണ്ടെത്തിയിരിക്കുന്നത്. തിരുവനന്തപുരം സ്വര്ണക്കടത്തുമായി ബന്ധപ്പെട്ട് കസ്റ്റംസ് വളരെ നിര്ണായകമായ പുരോഗഗതിയാണ് അന്വേഷണത്തില് കൈവരിച്ചിരിക്കുന്നത്. സംസ്ഥാനത്ത് ഏറ്റവുമധികം സ്വര്ണക്കടത്തുമായി ബന്ധപ്പെട്ട കേന്ദ്രമാണ് കൊടുവള്ളി.
പ്രധാനമായും തിരുവനന്തപുരം സ്വര്ണക്കടത്ത് കേസിലെ പ്രതികള് നടത്തിയ സ്വര്ണക്കടത്തില് എല്ലാം തന്നെ ഫൈസലിന് വലിയ നിക്ഷേപമുളളതായി കസ്റ്റംസ് കണ്ടെത്തിയിട്ടുണ്ട്. 30 കിലോയാണ് നിലവിലെ കേസിന് ആധാരമായി പറയുന്നതെങ്കില് ഏകദേശം 400 കിലോ സ്വര്ണം നയതന്ത്ര ചാനല് വഴി പ്രതികള് ഇതിനകം കടത്തിയതായിട്ടാണ് കസ്റ്റംസ് കണ്ടെത്തിയിട്ടുളളത്. അതിലെല്ലാം ഫൈസലിന് വന് നിക്ഷേപമുളളതായി കണ്ടെത്തിയിട്ടുണ്ട്. റമീസ്, ഫൈസല് ഫരീദ് തുടങ്ങിയവരെ ചോദ്യം ചെയ്തതിലൂടെയാണ് കാരാട്ട് ഫൈസലിലേക്കും അന്വേഷണം എത്തുന്നത്. സ്വപ്നയുടെ മൊഴികളിലും കാരാട്ട് ഫൈസലിനെ കുറിച്ച് പരാമര്ശമുളളതായിട്ടാണ് വിവരം. ഫൈസലിന്റെ വീട്ടില് ഇപ്പോഴും കസ്റ്റംസ് റെയ്ഡ് തുടരുകയാണ്. പുലര്ച്ചെയാണ് ഫൈസലിനെ കസ്റ്റഡിയില് എടുത്തത്. ഇയാളെ കൊച്ചിയിലെത്തിച്ച് കൂടുതല് ചോദ്യം ചെയ്യും. അറസ്റ്റിനുളള സാധ്യതയും കസ്റ്റംസ് തള്ളിക്കളയുന്നില്ല. ഇയാള് നടത്തിയ നിക്ഷേപങ്ങളുടെ തെളിവുകള് കസ്റ്റംസിന് ലഭിച്ചിട്ടുണ്ട്.
അതേസമയം കാരാട്ട് ഫൈസല് മുന്പും വിവാദ നായകന് തന്നെയാണ്. നികുതി വെട്ടിച്ച് മിനി കൂപ്പർ കാർ കേരളത്തിൽ ഓടിക്കുന്നുവെന്ന പരാതി ഇതിന് മുന്പ് ഫൈസലിനെതിരെ ഉയര്ന്നിരുന്നു. കോടിയേരി ബാലകൃഷ്ണന് ഒരു ജാഥയില് ഈ കാര് ഉപയോഗിച്ചത് വലിയ വിവാദമായിരുന്നു. ജനജാഗ്രതാ യാത്രയുടെ ഇടയിലായിരുന്നു കോടിയേരി ബാലകൃഷ്ണന് ഫൈസലിന്റെ മിനി കൂപ്പറില് സഞ്ചരിച്ചത്. മിനി കൂപ്പര് പോണ്ടിച്ചേരിയിലെ വ്യാജവിലാസത്തില് രജിസ്റ്റര് ചെയ്തത് വഴി കാരാട്ട് ഫൈസല് പത്ത് ലക്ഷത്തോളം രൂപ നികുതി വെട്ടിപ്പ് നടത്തിയിരുന്നു.
അന്യസംസ്ഥാനത്ത് നിന്നുള്ള വാഹനം ഇവിടെ ഓടിക്കണമെങ്കില് ഒരുവര്ഷത്തിനുള്ളില് രജിസ്ട്രേഷന് മാറ്റണമെന്നും നികുതി അടയ്ക്കണമന്നും നിയമുണ്ടായിരിക്കെ കാരാട്ട് ഫൈസലിന്റെ മിനികൂപ്പര് ഇത് പാലിച്ചിരുന്നില്ല. പിഴ അടയ്ക്കാന് ഫൈസല് തയ്യാറാവാത്തതിനാല് മോട്ടോര്വാഹന വകുപ്പ് റവന്യൂ റിക്കവറി നടപടികള് ആരംഭിച്ചിരുന്നു. കൊടുവള്ളി കേന്ദ്രീകരിച്ചുള്ള ഹവാല സ്വര്ണ്ണക്കടത്ത് ഇടപാടുകാരുമായി ഫൈസലിന്റെ ബന്ധം സംബന്ധിച്ച് ഏറെ ആരോപണങ്ങള് ഉയര്ന്നിരുന്നു.
സ്വര്ണക്കടത്തില് കാരാട്ട് ഫൈസലിന് വലിയ പങ്കുണ്ടെന്നാണ് കസ്റ്റംസ് സംശയിക്കുന്നത്. 2013 നവംബര് എട്ടിന് കരിപ്പൂര് വിമാനത്താവളം വഴി കടത്തിയ ആറുകിലോ സ്വര്ണം ഡി ആര്എ പിടികൂടിയിരുന്നു. ഈ കേസില് ഡിആര്എ ഫൈസലിനെ പ്രതി ചേര്ത്തിരുന്നു. ഈ കേസിലെ പ്രതികളുമായി ഫൈസലിന് അടുത്ത ബന്ധമുണ്ടെന്ന കണ്ടെത്തിലിന് പിന്നാലെയായിരുന്നു നടപടി. ഈ കേസിലെ മുഖ്യപ്രതിയായ ഷഹബാസിന്റെ ഭാര്യയുടെ പേരിലുള്ള ഓഡി ക്യു സെവന് കാര് കാരാട്ട് ഫൈസലിന്റെ വീട്ടില് നിന്ന് ഡിആര്എ കണ്ടെത്തിയിരുന്നു. നേരത്തെ മുസ്ലിം ലീഗ് പ്രവര്ത്തകനായ ഫൈസല് ഇടത് പിന്തുണയോടെയാണ് നഗരസഭാംഗമായത്.
https://www.facebook.com/Malayalivartha