'ഒരു മനുഷ്യന് അവനവനോട് ഏറ്റവും മടുപ്പ് തുടങ്ങുന്നത്, ആത്മപുച്ഛം തോന്നുന്നത്, നിരാശയിലേക്ക് വീണു പോകുന്നത് ഏറ്റവും അടുത്തവരെന്ന് കരുതിയവർ മുതലെടുക്കുകയായിരുന്നു എന്ന് തിരിച്ചറിയുമ്പോഴാണ്...' വൈറലായി കുറിപ്പ്
ഒരു മനുഷ്യന് അവനവനോട് ഏറ്റവും മടുപ്പ് തുടങ്ങുന്നത്, ആത്മപുച്ഛം തോന്നുന്നത്, നിരാശയിലേക്ക് വീണു പോകുന്നത് ഏറ്റവും അടുത്തവരെന്ന് കരുതിയവർ മുതലെടുക്കുകയായിരുന്നു എന്ന് തിരിച്ചറിയുമ്പോഴാണ്. ഉറ്റവരോ, പ്രണയിയോ, കൂട്ടുകാരനോ, സഹപ്രവർത്തകനോ, കച്ചവടപങ്കാളിയോ, ജോലിക്കാരനോ, മേലുദ്യോഗസ്ഥനോ...
ആത്മാർത്ഥത, സ്നേഹം, വിശ്വാസം.. ഇതൊക്കെയും പരിഹാസ്യമാക്കി അവനവന്റെ നേട്ടത്തിനും കാര്യലാഭത്തിനും വേണ്ടി മാത്രം കൂടെ എന്ന് തോന്നിച്ചവർ.- നജീബ് മൂടാടി പങ്കുവച്ച കുറിപ്പ് സമൂഹമാധ്യമങ്ങളിൽ ശ്രദ്ധേയമാകുകയാണ്..
നജീബ് മൂടാടി പങ്കുവച്ച കുറിപ്പ് വായിക്കാം;
ഒരു മനുഷ്യന് അവനവനോട് ഏറ്റവും മടുപ്പ് തുടങ്ങുന്നത്, ആത്മപുച്ഛം തോന്നുന്നത്, നിരാശയിലേക്ക് വീണു പോകുന്നത് ഏറ്റവും അടുത്തവരെന്ന് കരുതിയവർ മുതലെടുക്കുകയായിരുന്നു എന്ന് തിരിച്ചറിയുമ്പോഴാണ്. ഉറ്റവരോ, പ്രണയിയോ, കൂട്ടുകാരനോ, സഹപ്രവർത്തകനോ, കച്ചവടപങ്കാളിയോ, ജോലിക്കാരനോ, മേലുദ്യോഗസ്ഥനോ...
ആത്മാർത്ഥത, സ്നേഹം, വിശ്വാസം.. ഇതൊക്കെയും പരിഹാസ്യമാക്കി അവനവന്റെ നേട്ടത്തിനും കാര്യലാഭത്തിനും വേണ്ടി മാത്രം കൂടെ എന്ന് തോന്നിച്ചവർ. സ്നേഹം, കരുതൽ, സമയം, പണം..... ജീവിതത്തിലെ വിലപ്പെട്ട പലതും ഒരാൾ സമർഥമായി ചൂഷണം ചെയ്യുകയായിരുന്നു എന്ന തിരിച്ചറിവ് ഉണ്ടാക്കുന്ന ആഘാതം... ഭീകരമായ ഒരു അവസ്ഥയാണത്.
സ്വയം വെറുത്തും ശപിച്ചും ഒന്നിനും കൊള്ളാത്ത ജന്മമെന്ന് പ്രാകിയും ഖേദിച്ചും..... ഒറ്റയടിക്ക് സർവ്വമനുഷ്യരിലുമുള്ള വിശ്വാസം നഷ്ടപ്പെട്ടുപോവും. ഒരാളെ തകർക്കാനും ഇല്ലാതാക്കാനും ഏറ്റവുമെളുപ്പം സ്വന്തമെന്ന് വിശ്വസിപ്പിക്കുകയാണ്. ഏറ്റവും സമർഥമായി കാപട്യം ഒളിച്ചുവെച്ച്..
പക്ഷെ, നിഷ്കളങ്കത മൂലം ചതിക്കപ്പെട്ടവർ ഒരു തീക്കാറ്റിനും കരിച്ചു കളയാൻ കഴിയാതെ അനുഭവങ്ങളുടെ കരുത്തിൽ വീണ്ടും തെഴുത്തുവരിക തന്നെ ചെയ്യും. അതിസാമർഥ്യക്കാരല്ല ലോകം എന്നുമിങ്ങനെ മനോഹരമായി നില നിർത്തുന്നത്. എത്ര ചതിക്കപ്പെട്ടാലും അലിവോടെ മനുഷ്യരെ സ്നേഹിക്കുകയും വിശ്വസിക്കുകയും ചെയ്യുന്ന ആ നിസ്സാരർ തന്നെയാണ്.
https://www.facebook.com/Malayalivartha
