മകനും കുടുംബവും കൊച്ചിയില്‍ ഒളിവില്‍ കഴിയുന്ന കാര്യം മരുമകളുടെ ബന്ധുക്കള്‍ക്ക് അറിയാമായിരുന്നു... അവര്‍ എല്ലാം ഒളിച്ചുവച്ചു.... വൈഗയുടെ മരണത്തില്‍ മരുമകളുടെ ബന്ധുക്കള്‍ പലതും മറച്ചു വയ്ക്കുന്നു! പതിമൂന്നുകാരി വൈഗയുടെ മരണത്തിൽ നിർണായക വഴിത്തിരിവുമായി സനു മോഹന്റെ അമ്മയുടെ വെളിപ്പെടുത്തൽ...
പതിമൂന്നുകാരി വൈഗയുടെ ദുരൂഹ മരണത്തില്‍ ബന്ധുക്കള്‍ പലതും ഒളിച്ചുവയ്ക്കുന്നതായി പിതാവ് സനുമോഹന്റെ അമ്മ സരള.
മരുമകളുടെ ബന്ധുക്കള്‍ കഴിഞ്ഞ അഞ്ച് വര്‍ഷം മകനെ തന്നില്‍ നിന്ന് അകറ്റിയെന്നും അവര്‍ കുറ്റപ്പെടുത്തി.
മകനും കുടുംബവും കൊച്ചിയില്‍ ഒളിവില്‍ കഴിയുന്ന കാര്യം മരുമകളുടെ ബന്ധുക്കള്‍ക്ക് അറിയാമായിരുന്നു.
അവര്‍ എല്ലാം ഒളിച്ചുവച്ചു.വൈഗയുടെ മരണത്തില്‍ ബന്ധുക്കള്‍ പറയുന്ന കാര്യങ്ങളില്‍ അസ്വഭാവികതയുണ്ട്. സനുവിനെ ആരെങ്കിലും തട്ടികൊണ്ടു പോയെന്നാണ് കരുതുന്നതെന്നും സരള പറഞ്ഞു.
കാക്കനാട് മുട്ടാര്‍ പുഴയിലാണ് വൈഗയെ മരിച്ച നിലയില്‍ കണ്ടെത്തിയത്. ഇതിന് പിന്നാലെ ഒളിവില്‍ പോയ സനു മോഹനായുള്ള തിരച്ചില്‍ തുടരുകയാണ്. മറ്റ് സംസ്ഥാനങ്ങളിലേക്ക് കൂടി അന്വേഷണം വ്യാപിപ്പിക്കാനാണ് അന്വേഷണ സംഘത്തിന്റെ തീരുമാനം.
സനുവിന്‍റെ പേരില്‍ കേരളത്തില്‍ എവിടെയെങ്കിലും സ്വത്തുക്കളുണ്ടോയെന്നറിയാന്‍ പൊലീസ് രജിസ്ട്രേഷന്‍ വകുപ്പിന്‍റെ സഹായം തേടിയിട്ടുണ്ട്.
https://www.facebook.com/Malayalivartha
