അപൂർവമായ സയാമീസ് ഇരട്ടകൾക്ക് ജന്മം നൽകി യുവതി; പൂർണവളർച്ച എത്തിയ രണ്ടു തലകളും മൂന്നു കൈകളും, ആരോഗ്യ നിലയിൽ പ്രശ്നങ്ങൾ, കുട്ടികളെ വിദഗ്ദ്ധ പരിശോധനയ്ക്ക് വിധേയരാക്കുന്നു
ഒഡിഷയിൽ സ്വകാര്യ ആശുപത്രിയില് യുവതി അപൂര്വ ഇരട്ടപെണ്കുട്ടികള്ക്ക് ജന്മം നല്കി. ഉടല് കൂടിച്ചേര്ന്ന നിലയിലുള്ള ഇരട്ടക്കുഞ്ഞുങ്ങള്ക്ക് രണ്ട് തലയും മൂന്ന് കൈകളും രണ്ട് കാലുകളുമാണുണ്ടായിരുന്നത്.
തലകൾ പൂർണവളർച്ചയിലെത്തിയതായിരുന്നു. കുട്ടികള് ഭക്ഷണം കഴിക്കുന്നത് വ്യത്യസ്ത വായിൽകൂടിയാണ്. ശ്വസിക്കുന്നതിനും രണ്ട് മൂക്ക് ഉപയോഗിക്കുന്നതായി ഡോക്ടര്മാര് അറിയിക്കുകയുണ്ടായി. എന്നാൽ,നെഞ്ചും ആമാശയവും ഒട്ടിച്ചേര്ന്ന നിലയിലുമാണ്.
രാജ് നഗറിലെ കനി ഗ്രാമത്തില് നിന്നുള്ള ഉമാകാന്ത് പരീദയും ഭാര്യ അംബികയുമാണ് കുട്ടികളുടെ മാതാപിതാക്കള്.
കേന്ദ്രപരയിലെ ആശുപത്രിയില് ഞായറാഴ്ച നടന്ന ശസ്ത്രക്രിയയിലൂടെ പുറത്തെടുത്ത കുട്ടികളെ വിദഗ്ധചികിത്സക്കായി സര്ദാര് വല്ലഭായ് പട്ടേല് പോസ്റ്റ് ഗ്രാജ്വേറ്റ് ഇന്സ്റ്റിട്യൂട്ട് ഓഫ് പീഡിയാട്രിക്സിലേക്ക് മാറ്റുകയും ചെയ്തു.
അപൂര്വമായ ശരീരികാവസ്ഥയില് ജനിച്ച കുട്ടികളായതിനാല് ആരോഗ്യനിലയില് ചില പ്രശ്നങ്ങളുണ്ടെന്നും കുട്ടികളെ വിദഗ്ധപരിശോധനയ്ക്ക് വിധേയരാക്കുമെന്നും ആശുപത്രി അധികൃതര് അറിയിക്കുകയുണ്ടായി.
കുട്ടികളെ വേര്പ്പെടുത്തുന്ന ശസ്ത്രക്രിയ ഉള്പ്പെടെയുള്ള ചികിത്സാകാര്യങ്ങള് അതിന് ശേഷമാവും തീരുമാനിക്കുകയെന്നും അധികൃതര് പറഞ്ഞു.
https://www.facebook.com/Malayalivartha