പെട്ടന്നുണ്ടായ ശബ്ദം! നാട്ടുകാർ കണ്ടത് കാർ തോട്ടിലേക്ക് വീഴുന്ന കാഴ്ച്ച! വഴിതെറ്റിയതിനെ തുടര്‍ന്ന് കാര്‍ തിരിക്കാന്‍ ശ്രമിച്ചപ്പോള്‍ സംഭവിച്ചത്; എടത്വയില്‍ മുത്തശ്ശിയും കൊച്ചുമകളും രക്ഷപ്പെട്ടത് തലനാരിഴയ്ക്ക്...
20 JUNE 2021 02:15 PM IST
മലയാളി വാര്‍ത്ത
എടത്വയില്‍ തോട്ടിലേക്ക് മറിഞ്ഞ കാറില്‍ നിന്നും മുത്തശ്ശിയെയും കൊച്ചുമകളെയും നാട്ടുകാര്‍ രക്ഷപ്പെടുത്തി. വഴിതെറ്റിയതിനെ തുടര്‍ന്ന് കാര്‍ തിരിക്കാന്‍ ശ്രമിക്കവെയാണ് കാര്‍ തോട്ടിലേക്ക് വീണത്. ശബ്ദം കേട്ട് ഓടിയെത്തിയ നാട്ടുകാരാണ് ഇവര്‍ക്ക് രക്ഷകരായത്.
മാമ്പുഴക്കരി സ്വദേശികളായ മുത്തശ്ശിയും കൊച്ചുമകളും സഞ്ചരിച്ച കാര്‍ ശനിയാഴ്ച ഉച്ചയ്ക്ക് 12 മണിയോടെയാണ് അപകടത്തില്‍പ്പെട്ടത്.
ഊരുക്കരി സര്‍വീസ് സഹകരണ സംഘത്തിനു മുന്നിലൂടെ കടന്നുപോകുന്ന നാട്ടുതോട്ടിലേക്കാണ് കാര്‍ വീണത്. ഊരുക്കരി പ്രാഥമികാരോഗ്യ കേന്ദ്രത്തിലേക്കു പോകുകയായിരുന്ന ഇവര്‍.
എന്നാല്‍ വഴിതെറ്റി സഹകരണ സംഘം റോഡിലേക്കു കയറി. വഴിതെറ്റിയെന്നു മനസ്സിലാക്കി കാര്‍ തിരിക്കാനുള്ള ശ്രമത്തിനിടെ തോട്ടിലേക്കു മറിഞ്ഞു. ശബ്ദംകേട്ട് സമീപത്തെ വായനശാലയില്‍ നിന്ന് ഓടിയെത്തിയവരാണു രക്ഷകരായത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
