വെസ്റ്റിന്‍ഡീസിനെതിരായ രണ്ടാം ഏകദിനത്തില്‍ ഇന്ത്യക്ക് കൂറ്റന്‍ സ്‌കോര്‍. വെസ്റ്റിന്‍ഡീസിനു മുന്നില്‍ ഇന്ത്യ ഉയര്‍ത്തിയത് 388 റണ്‍സിന്റെ വിജയലക്ഷ്യം. സ്‌കോര്‍: ഇന്ത്യ 50 ഓവറില്‍ അഞ്ച് വിക്കറ്റിന് 387 റണ്‍സ്. ഓപ്പണര്‍മാരായ രോഹിത് ശര്‍മയ്ക്കും ലോകേഷ് രാഹുലിനും സെഞ്ച്വറി. 

ടോസ് നേടിയ വിന്‍ഡീസ് ഇന്ത്യയെ ബാറ്റിങ്ങിനിറക്കുകയായിരുന്നു. തുടക്കം മുതല്‍ പതര്‍ച്ചകളില്ലാതെ കരീബിയന്‍ ബൗളിങ്ങിനെ പിച്ചി ചീന്തിയ ഓപ്പണിങ് കൂട്ടുകെട്ടില്‍ ലോകേഷ് ആയിരുന്നു തുടക്കത്തില്‍ കൂടുതല്‍ അക്രമകാരി.107 പന്ത് നേരിട്ടപ്പോള്‍ രോഹിത് കരിയറിലെ 28ാമത് സെഞ്ച്വറി സ്വന്തം പേരിലാക്കി.ടോസ് നേടിയ വിന്‍ഡീസ് ഇന്ത്യയെ ബാറ്റിങ്ങിനിറക്കുകയായിരുന്നു. തുടക്കം മുതല്‍ പതര്‍ച്ചകളില്ലാതെ കരീബിയന്‍ ബൗളിങ്ങിനെ പിച്ചി ചീന്തിയ ഓപ്പണിങ് കൂട്ടുകെട്ടില്‍ ലോകേഷ് ആയിരുന്നു തുടക്കത്തില്‍ കൂടുതല്‍ അക്രമകാരി.
107 പന്ത് നേരിട്ടപ്പോള്‍ രോഹിത് കരിയറിലെ 28ാമത് സെഞ്ച്വറി സ്വന്തം പേരിലാക്കി. തൊട്ടു പിന്നാലെ ലോകേഷും സെഞ്ച്വറി തൊട്ടു. 227 റണ്‍സിന്റെ വമ്ബന്‍ കൂട്ടുകെട്ടിനു ശേഷമാണ് ഇന്ത്യയുടെ ആദ്യ വിക്കറ്റ് വീണത്. അല്‍സരി ജോസഫിന്റെ പന്തില്‍ റോസ്റ്റണ്‍ ചേസ് പിടിച്ച് ലോകേഷാണ് ആദ്യം പുറത്തായത്. ഒരൊറ്റ പന്തിന്റെ ആയുസു മാത്രമേ ക്യാപ്റ്റന്‍ വിരാട് കോഹ്‌ലിക്കുണ്ടായിരുന്നുള്ളു. റണ്ണെടുക്കാതെ കീറോണ്‍ പൊള്ളാര്‍ഡിന്റെ പന്തില്‍ റോസ്റ്റണ്‍ ചേസിനു തന്നെ പിടികൊടുത്ത് കീഴടങ്ങുകയായിരുന്നു നായകന്‍.
അപ്പോഴേക്കും മറുവശത്ത് രോഹിത് ആളിക്കത്താന്‍ തുടങ്ങി. തന്റെ നാലാം ഏകദിന ഡബിള്‍ സെഞ്ച്വറിയിലേക്ക് കുതിക്കുകയാണെന്ന തോന്നലിനിടയിലാണ് രോഹിത് ശര്‍മയെ വിക്കറ്റിനു പിന്നില്‍ ഷായി ഹോപ് പിടികൂടിയത്. 138 പന്തില്‍ 159 റണ്‍സെടുത്താണ് രോഹിത് പുറത്തായത്. 17 ബൗണ്ടറികളും അഞ്ച് സിക്‌സറുകളും അതിനിടയില്‍ പിറന്നു.അവസാന ഓവറുകളില്‍ ശ്രേയസ് അയ്യരും ഋഷഭ് പന്തും തകര്‍പ്പന്‍ ഷോട്ടുകളാണ് പായിച്ചത്. 28 പന്തില്‍ അയ്യര്‍ അര്‍ധ സെഞ്ച്വറി കുറിച്ചപ്പോള്‍ ട്വന്റി 20 ശൈലിയില്‍ ബാറ്റുവീശിയ ഋഷഭ് പന്ത് 16 പന്തില്‍ 39 റണ്‍സുമായി പുറത്തായി. 32 പന്തില്‍ 53 റണ്‍സുമായി ശ്രേയസ് അയ്യരും മടങ്ങിയപ്പോള്‍ കേദാര്‍ ജാദവ് 10 പന്തില്‍ 16 റണ്‍സുമായി മിന്നി.