വേനൽഅവധിയ്ക്കുശേഷം നാളെ സ്കൂളുകൾ തുറക്കും....പുതിയ കൂട്ടുകാരെ വരവേൽക്കാൻ ഒരുങ്ങി സംസ്ഥാനത്തെ സ്‌കൂളുകൾ. തിങ്കളാഴ്‌ചത്തെ പ്രവേശനോത്സവത്തിന്‌ സ്‌കൂളുകൾ തയ്യാറെടുക്കുന്നു. .ഒന്നു മുതൽ 12 വരെ ക്ലാസുകളിലായി 42 ലക്ഷത്തോളം കുട്ടികളാണ് നാളെ മുതൽ സ്കൂളുകളിലേക്കു പോകുന്നത്. ശക്തമായ മഴയ്ക്ക് സാദ്ധ്യതയുള്ളതിനാൽ രക്ഷിതാക്കൾ ആശങ്കയിലാണ്.

സംസ്ഥാനതല പ്രവേശനോത്സവം തിരുവനന്തപുരം പട്ടം ഗവ. മോഡൽ ഗേൾസ്‌ എച്ച്‌എസ്‌എസിൽ രാവിലെ പത്തിന്‌ മുഖ്യമന്ത്രി വി ഡി സതീശൻ ഉദ്‌ഘാടനംചെയ്യും. വിദ്യാഭ്യാസമന്ത്രി എൻ ഷംസുദ്ദീൻ അധ്യക്ഷനാകും. എല്ലാ വിദ്യാലയങ്ങളിലും ജില്ലാ, ബ്ലോക്ക്‌ തലങ്ങളിലും പ്രവേശനോത്സവം നടക്കും

അതേസമയം ഇന്നലെ ശക്തമായ മഴയാണ് പെയ്തത്. പകർച്ച പനി പടർന്നു പിടിക്കുന്ന സാഹചര്യം കൂടി നിലനിൽക്കുന്നു. സ്കൂൾ തുറക്കുന്നത് മാറ്റി വയ്ക്കുമോയെന്ന് സ്കൂൾ അധികൃതരോട് രക്ഷിതാക്കൾ ചോദിക്കുന്നുണ്ട് . ഇന്നത്തെ മഴയും നാളത്തെ കാലാവസ്ഥാ മുന്നറിയിപ്പും കണക്കിലെടുത്തായിരിക്കും പ്രവേശനോത്സവം മാറ്റി വയ്ക്കുന്നതിനെ കുറിച്ച് സർക്കാർ അന്തിമതീരുമാനമെടുക്കുക.' 'ഇതുവരെയുള്ള തീരുമാനമനുസരിച്ച് ജൂൺ ഒന്നിന് സ്കൂളുകൾ തുറക്കും. കാലാവസ്ഥ വളരെ പ്രതികൂലമാകുമെങ്കിൽ ബന്ധപ്പെട്ടവരുമായി ആലോചിച്ച് ഉചിതമായ തീരുമാനമെടുക്കുമെന്നും വിദ്യാഭ്യാസ മന്ത്രി പറഞ്ഞു.