ഇനി 'തല'യില്ല.... വിരമിക്കല് പ്രഖ്യാപിച്ച് ധോനി.... നീണ്ട ഊഹാപോഹങ്ങള്ക്കൊടുവില് മുന് ക്യാപ്റ്റന് എം.എസ്. ധോനി അന്താരാഷ്ട്ര ക്രിക്കറ്റില് നിന്ന് വിരമിച്ചു..... വിരമിക്കല് പ്രഖ്യാപനത്തില് ഞെട്ടി ക്രിക്കറ്റ് ലോകം
ഇനി 'തല'യില്ല.... വിരമിക്കല് പ്രഖ്യാപിച്ച് ധോനി.... നീണ്ട ഊഹാപോഹങ്ങള്ക്കൊടുവില് മുന് ക്യാപ്റ്റന് എം.എസ്. ധോനി അന്താരാഷ്ട്ര ക്രിക്കറ്റില് നിന്ന് വിരമിച്ചു..... വിരമിക്കല് പ്രഖ്യാപനത്തില് ഞെട്ടി ക്രിക്കറ്റ് ലോകം. ഐപിഎല്ലിന് തയ്യാറെടുക്കുന്ന വേളയില് അന്താരാഷ്ട്ര ക്രിക്കറ്റില് നിന്ന് വിരമിക്കുന്നതായുള്ള പ്രഖ്യാപനം ധോണി നടത്തുമെന്ന് ക്രിക്കറ്റ് പ്രേമികളാരും കരുതിയില്ല.
ശനിയാഴ്ച വൈകീട്ട് ഇന്സ്റ്റഗ്രാമില് പോസ്റ്റ് ചെയ്ത വീഡിയോയിലാണ് ധോനി വിരമിക്കല് പ്രഖ്യാപിച്ചത്. 'നന്ദി, നിങ്ങള് ഇതുവരെ തന്ന എല്ലാ പന്തുണയ്ക്കും സ്നേഹത്തിനും ഒരുപാട് നന്ദി. ഇന്ന് 7.29 മുതല് ഞാന് വിരമിച്ചതായി കണക്കാക്കുക', വീഡിയോക്കൊപ്പം അദ്ദേഹം കുറിച്ചു.
ധോണിയുടെ 'സെക്കന്ഡ് ഇന്നിംഗ്സിന്' ആശംസകള് നേര്ന്ന് നിരവധി പേരാണ് രംഗത്തെത്തിയിരിക്കുന്നത്. അതില് ആരാധകര് മുതല് പ്രമുഖര് വരെ ഉള്പ്പെടുന്നു. ധോണി ക്രിക്കറ്റിന് നല്കിയ സംഭാവനകള് വിലമതിക്കാനാകാത്തതാണെന്നും 2011ല് ഒരുമിച്ച് നേടിയ ലോകകപ്പ് വിജയമാണ് തന്റെ ജീവിതത്തിലെ മികച്ച നിമിഷമെന്നും ക്രിക്കറ്റ് ദൈവം സച്ചിന് തെന്ഡുല്ക്കര് പറഞ്ഞു.
ധോണി രാജ്യത്തിന് വേണ്ടി ചെയ്തതെല്ലാം എല്ലാരുടെയും ഹൃദയത്തിലുണ്ടാകുമെന്ന് ഇന്ത്യന് ക്രിക്കറ്റ് ടീം ക്യാപ്റ്റന് വിരാട് കോഹ്ലി പറഞ്ഞു. ഒരു യുഗത്തിന്റെ അവസാനമെന്നായിരുന്നു ബിസിസിഐ പ്രസിഡന്റും മുന് ക്യാപ്റ്റനുമായിരുന്ന സൗരവ് ഗാംഗുലി വിശേഷിപ്പിച്ചത്. ധോണിയുടെ നേതൃത്വപാടവം താരതമ്യപ്പെടുത്താനാകില്ലെന്നും അദ്ദേഹം പറഞ്ഞു.വീിരേന്ദര് സെവാഗ്, ഗൗതം ഗംഭീര്, മോഹന്ലാല് തുടങ്ങി വിവിധ മേഖലകളിലെ പ്രമുഖര് ധോണിക്ക് ആശംസകള് നേര്ന്നു.
ഐ.സി.സിയുടെ മൂന്ന് പ്രധാന ട്രോഫികളും നേടിയ ഏക ക്യാപ്റ്റനാണ് ധോനി. 28 വര്ഷത്തെ കാത്തിരിപ്പിനു ശേഷം ഇന്ത്യയ്ക്ക് ലോകകപ്പ് നേടിത്തന്നതും ധോനി തന്നെ. 2007ലെ പ്രഥമ ട്വന്റി20 ലോകകപ്പും ധോനിയുടെ നായകത്വത്തിലാണ് ഇന്ത്യ നേടിയത്. 2013ലെ ഐ.സി.സി ചാമ്പ്യന്സ് ട്രോഫിയും ഇന്ത്യക്ക് നേടിത്തന്നു. 2019ലെ ലോകകപ്പ് സെമിഫൈനലില് കിവീസിനോട് തോറ്റ് ഇന്ത്യ പുറത്തായ ശേഷം ധോനി പിന്നീട് മത്സര ക്രിക്കറ്റിന്റെ ഭാഗമായിട്ടില്ല. ഇത്തവണ യു.എ.ഇയില് നടക്കാനിരിക്കുന്ന ഐ.പി.എല് 13ാം സീസണില് അദ്ദേഹം കളിക്കുമെന്നും റിപ്പോര്ട്ടുകളുണ്ടായിരുന്നു.
"
https://www.facebook.com/Malayalivartha