ഐപിഎല് വാതുവയ്പുമായി ബന്ധപ്പെട്ട് വ്യാപക അറസ്റ്റ്; 6.45 ലക്ഷം രൂപയും 17 മൊബൈലുകളും പിടിച്ചെടുത്തു
ആന്ധ്രാപ്രദേശിലെ കൃഷ്ണ ജില്ലയില് ഐപിഎല് വാതുവയ്പുമായി ബന്ധപ്പെട്ട് 16 പേര് പിടിയിലായി. ഇവരില് നിന്ന് 6.45 ലക്ഷം രൂപയും 17 മൊബൈലുകളും ഒരു ടിവിയും പിടിച്ചെടുത്തു. മധ്യപ്രദേശില് ആറുപേര് അറസ്റ്റിലായി. ഡല്ഹി, നാഗ്പുര്, നഗരങ്ങളിലും പരിശോധന നടക്കുന്നു.
നേരത്തേ യുഎഇയില് നടക്കുന്ന ഐപിഎല് 13-ാം സീസണിലെ ഒരു താരത്തെ വാതുവയ്പ്പുകാര് സമീപിച്ചതായി പരാതി ഉയര്ന്നിരുന്നു. താരത്തിന്റെ പരാതിയില് സംഭവത്തില് അന്വേഷണം ആരംഭിക്കുകയും ചെയ്തു.
യു.എ.ഇയില് നടക്കുന്ന ടൂര്ണമെന്റ് കോവിഡ് മാനദണ്ഡങ്ങള് പാലിച്ച് താരങ്ങളെല്ലാം ബയോ സെക്യുര് ബബിളിനുള്ളിലായതിനാല് മറ്റ് വ്യക്തികള് താരങ്ങളെ സമീപിക്കാനുള്ള സാധ്യത വളരെ കുറവാണ്. എങ്കിലും അഴിമതിക്കാരുടെ ഓണ്ലൈന് ശൃംഖല വഴി ഭീഷണി ഇപ്പോഴും നിലനില്ക്കുന്നുണ്ട്.
വാതുവയ്പ്പുകാര് താരത്തെ സമീപിച്ചെന്ന കാര്യം ബി.സി.സി.ഐയുടെ അഴിമതി വിരുദ്ധ വിഭാഗം മേധാവി അജിത് സിങ് സ്ഥിരീകരിച്ചിട്ടുണ്ട്.
താരത്തെ സമീപിച്ച വാതുവയ്പ്പുകാരനെ കണ്ടെത്താനുള്ള ശ്രമത്തിലാണെന്നും ഇതിന് കുറച്ച് സമയമെടുക്കുമെന്നും രാജസ്ഥാന് മുന് ഡിജിപി കൂടിയായ അദ്ദേഹം പറഞ്ഞു. താരത്തിന്റെ സുരക്ഷയും അഴിമതി വിരുദ്ധ പ്രോട്ടോക്കോളും മുന്നിര്ത്തി വാതുവെയ്പ്പുകാര് സമീപിച്ച താരത്തെ കുറിച്ചുള്ള വിവരങ്ങള് പുറത്തുവിട്ടിട്ടില്ല.
https://www.facebook.com/Malayalivartha