ഐപിഎല് : ഡല്ഹി ക്യാപിറ്റല്സ് രാജസ്ഥാന് റോയല്സിനെ 13 റണ്സിന് തോല്പിച്ചു
ടോസ് നേടി ബാറ്റിങ്ങ് തിരഞ്ഞെടുത്ത ഡല്ഹി നിശ്ചിത 20 ഓവറില് ഏഴു വിക്കറ്റ് നഷ്ടത്തില് 161 റണ്സെടുത്തു. വന് തകര്ച്ചയോടെയാണ് ഡല്ഹി ബാറ്റിങ് തുടങ്ങിയത്. ഇന്നിങ്സിലെ ആദ്യ പന്തില്ത്തന്നെ യുവ ഓപ്പണര് പൃഥ്വി ഷാ ക്ലീന് ബൗള്ഡ്! ജോഫ്ര ആര്ച്ചറിന്റെ പന്ത് പ്രതിരോധിക്കാനുള്ള ശ്രമം പാളിയതോടെ സ്റ്റംപ് തെറിച്ചു. കഴിഞ്ഞ മത്സരത്തിലൂടെ അസംകാരന് റിയാന് പരാഗ് പ്രശസ്തമാക്കിയ 'ബിഹു' നൃത്തച്ചുവടുകളുമായാണ് ആര്ച്ചര് വിക്കറ്റ് നേട്ടം ആഘോഷിച്ചത്.
സ്കോര് 10 റണ്സ് തികച്ചപ്പോഴേക്കും അജിന്ക്യ രഹാനെയും (രണ്ട് റണ്സ്) പുറത്തായി. ഓപ്പണര് ശിഖര് ധവാന്റെ തുടര്ച്ചയായ രണ്ടാം അര്ധസെഞ്ചുറിയുടെയും ക്യാപ്റ്റന് ശ്രേയസ് അയ്യരുടെ ഈ സീസണിലെ രണ്ടാം അര്ധസെഞ്ചുറിയുടെയും കരുത്തിലാണ് രാജസ്ഥാന് റോയല്സിനു മുന്നില് ഡല്ഹി ക്യാപിറ്റല്സ് 162 റണ്സ് വിജയലക്ഷ്യമുയര്ത്തിയത്. ധവാന് 33 പന്തില് ആറു ഫോറും രണ്ടു സിക്സും സഹിതം 57 റണ്സും അയ്യര് 43 പന്തില് മൂന്നു ഫോറും രണ്ടു സിക്സും സഹിതം 53 റണ്സുമെടുത്തു. മൂന്നാം വിക്കറ്റില് ഇരുവരും 85 റണ്സാണ് കൂട്ടിച്ചേര്ത്തത്.
ധവാന് പുറത്തായതിനു ശേഷം മാര്ക്കസ് സ്റ്റോയ്നിസിനെ കൂട്ടുപിടിച്ച് ക്യാപ്റ്റന് ശ്രേയസ് അയ്യര് ഡല്ഹി സ്കോര് 100 കടത്തി. അധികം വൈകാതെ അയ്യരും അര്ധസെഞ്ചുറി പൂര്ത്തിയാക്കി. ഉനദ്കട് എറിഞ്ഞ 15-ാം ഓവറിലെ നാലാം പന്ത് സിക്സര് പറത്തി അര്ധസെഞ്ചുറിയോട് അടുത്ത അയ്യര്, അവസാന പന്തില് മറ്റൊരു സിക്സിലൂടെ അര്ധസെഞ്ചുറി പിന്നിട്ടു. 40 പന്തില്നിന്നാണ് അയ്യരുടെ അര്ധസെഞ്ചുറി. തൊട്ടടുത്ത ഓവറില് അയ്യരും പുറത്തായി. കാര്ത്തിക് ത്യാഗിയുടെ പന്തില് ജോഫ്ര ആര്ച്ചര് ക്യാച്ചെടുത്തു. സമ്പാദ്യം 43 പന്തില് മൂന്നു ഫോറും രണ്ടു സിക്സും സഹിതം 53 റണ്സ്.
എന്നാല് അവസാന മൂന്ന് ഓവറില് ആറു വിക്കറ്റ് കയ്യിലിരിക്കെ ഡല്ഹിക്ക് നേടാനായത് വെറും 18 റണ്സാണ്. കാര്ത്തിക് ത്യാഗിയെറിഞ്ഞ 18-ാം ഓവറില് അഞ്ച്, ആര്ച്ചറിന്റെ 19-ാം ഓവറില് അഞ്ച്, ജയ്ദേവ് ഉനദ്കടിന്റെ 20-ാം ഓവറില് എട്ട് എന്നിങ്ങനെയാണ് ഡല്ഹി സ്കോര് ചെയ്തത്. ഇതിനിടെ സ്റ്റോയ്നിസ് (19 പന്തില് 18), അലക്സ് കാരി (13 പന്തില് 14), അക്സര് പട്ടേല് (നാലു പന്തില് ഏഴ്) എന്നിവര് പുറത്താവുകയും ചെയ്തു.
രാജസ്ഥാനായി ജോഫ്ര ആര്ച്ചര് നാല് ഓവറില് 19 റണ്സ് വഴങ്ങി മൂന്നു വിക്കറ്റെടുത്തു. ഉനദ്കടിന് അവസാന ഓവറിലെ രണ്ട് വിക്കറ്റ് ഉള്പ്പെടെ മൂന്നു വിക്കറ്റ് ലഭിച്ചു. പൃഥ്വി ഷാ (0), അജിന്ക്യ രാഹനെ (2), മാര്ക്കസ് സ്റ്റോയ്നിസ് (19 പന്തില് 18), അലക്സ് കാരി (13 പന്തില് 14), അക്സര് പട്ടേല് (നാലു പന്തില് ഏഴ്) എന്നിങ്ങനെയാണ് മറ്റ് ഡല്ഹി താരങ്ങളുടെ പ്രകടനം.
ഭേദപ്പെട്ട തുടക്കമാണ് ഡല്ഹി ക്യാപിറ്റല്സ് ഉയര്ത്തിയ 162 റണ്സ് വിജയലക്ഷ്യം പിന്തുടര്ന്ന് ബാറ്റിങ് ആരംഭിച്ച രാജസ്ഥാന് റോയല്സിനു ലഭിച്ചത്. എന്നാല് ടീം സ്കോര് 37-ല് എത്തിനില്ക്കെ ജോസ് ബട്ലറെ (22 റണ്സ്) ആന്റിച് നോര്ജെ ബൗള്ഡാക്കി. തൊട്ടുപിന്നാലെ ആര്.അശ്വിന് സ്വന്തം ബോളിങ്ങില് ക്യാച്ചെടുത്ത് ക്യാപ്റ്റന് സ്റ്റീവ് സ്മിത്തിനെ (1 റണ്) പുറത്താക്കി.
ബെന് സ്റ്റോക്സിന് ഒപ്പം ചേര്ന്ന സഞ്ജു സാംസണ്, സ്റ്റോക്സിന് മികച്ച പിന്തുണ നല്കി. ആറാം ഓവറില് രാജസ്ഥാന് സ്കോര് 50 കടന്നു. തുഷാര് ദേശ്പാണ്ഡെ എറിഞ്ഞ 11 ാം ഓവറില് , 41 റണ്സോടെ സ്റ്റോക്സ് മടങ്ങി്. പിന്നാലെ സഞ്ജു സാംസനെ അക്സര് പട്ടേല് ബൗള്ഡാക്കി. 18 പന്തില് രണ്ട് സിക്സ് ഉള്പ്പെടെ 25 റണ്സാണ് സഞ്ജു നേടിയത്. 13 ാം ഓവറില് രാജസ്ഥാന് സ്കോര് 100 കടന്നു. അക്സര് പട്ടേലിന്റെ ബോളിങ്ങില് റിയാന് പരാഗ് (1 റണ്) റണ്ണൗട്ടായി. റോബിന് ഉത്തപ്പയും കഴിഞ്ഞ കളിയിലെ ഹീറോ രാഹുല് തെവാത്തിയയും ചേര്ന്ന് രാജസ്ഥാന് സ്കോര് ഉയര്ത്തി. എന്നാല് 18-ാം ഓവറില് റോബിന് ഉത്തപ്പയെ (27 പന്തില് ഒരു സിക്സും മൂന്നു ഫോറുമുള്പ്പെടെ 32 റണ്സ്) ആന്റിച് നോര്ജെ ബൗള്ഡാക്കി. 18 ഓവര് പൂര്ത്തിയായപ്പോള് രാജസ്ഥാന് 6 വിക്കറ്റ് നഷ്ടത്തില് 137 റണ്സ്. ജയിക്കാന് വേണ്ടത് 12 പന്തില് 25 റണ്സ്.
അവസാന ഓവറില് രാജസ്ഥാന് ജയിക്കാന് വേണ്ടിയിരുന്നത് 22 റണ്സാണ്. എന്നാല് 8 റണ്സ് മാത്രമാണ് രാജസ്ഥാന് നേടാനായത്. അവസാന പന്തില് ശ്രേയസ് ഗോപാലും (6 റണ്സ്) പുറത്തായി. കളി പൂര്ത്തിയാകുമ്പോള് രാജസ്ഥാന് റോയല്സ് 20 ഓവറില് 7 വിക്കറ്റ് നഷ്ടത്തില് 148 റണ്സ്. രാഹുല് തെവാത്തിയ 18 പന്തില് 14 റണ്സോടെ പുറത്താകാതെ നിന്നു. ഡല്ഹിയ്ക്കു വേണ്ടി ആന്റിച് നോര്ജെ, തുഷാര് ദേശ്പാണ്ഡെ എന്നിവര് 2 വിക്കറ്റ് വീതവും, ആര്.അശ്വിന്, അക്സര് പട്ടേല്, കഗിസോ റബാദ എന്നിവര് ഓരോ വിക്കറ്റ് വീതവും നേടി.
https://www.facebook.com/Malayalivartha