ഐ പി എല്: രാജസ്ഥാന് റോയല്സ് പഞ്ചാബിനെ 7 വിക്കറ്റിന് തകര്ത്തു, നെറ്റ് റണ്റേറ്റിലെ മുന്തൂക്കവുമായി പഞ്ചാബ് നാലാം സ്ഥാനത്ത്
പഞ്ചാബ് ഉയര്ത്തിയ 186 റണ്സ് വിജയലക്ഷ്യം രാജസ്ഥാന് മൂന്നു വിക്കറ്റ് നഷ്ടത്തില് മറികടന്നു. രണ്ടു വിക്കറ്റ് വീഴ്ത്തി, പിന്നീട് അര്ധസെഞ്ചുറിയും കുറിച്ച ബെന് സ്റ്റോക്സാണ് കളിയിലെ കേമന്. ഈ വിജയത്തോടെ 13 കളികളില്നിന്ന് 12 പോയിന്റുമായി രാജസ്ഥാന് അഞ്ചാം സ്ഥാനത്തേക്ക് ഉയര്ന്നു. തോറ്റെങ്കിലും 13 കളികളില്നിന്ന് 12 പോയിന്റുമായി പഞ്ചാബ് നാലാം സ്ഥാനത്ത് തുടരുന്നു. നെറ്റ് റണ്റേറ്റിലെ വ്യത്യാസമാണ് അവരെ മുന്നില് നിര്ത്തുന്നത്. ഇതോടെ ഇരു ടീമുകള്ക്കും ലീഗിലെ അവസാന മത്സരങ്ങള് നിര്ണായകമായി.
'ഡു ഓര് ഡൈ' പോരാട്ടത്തില് ഓപ്പണിങ് വിക്കറ്റില് ബെന് സ്റ്റോക്സ് - റോബിന് ഉത്തപ്പ സഖ്യവും (33 പന്തില്60), രണ്ടാം വിക്കറ്റില് ഉത്തപ്പ - സഞ്ജു സാംസണ് സഖ്യവും (32 പന്തില് 51 റണ്സ്) അര്ധസെഞ്ചുറി കൂട്ടുകെട്ട് തീര്ത്ത് രാജസ്ഥാന്റെ ചേസിങ് അനായാസമാക്കി. മൂന്നാം വിക്കറ്റില് സഞ്ജു - സ്മിത്ത് സഖ്യം (21 പന്തില് 33), പിരിയാത്ത നാലാം വിക്കറ്റില് സ്മിത്ത് - ബട്ലര് സഖ്യം (19 പന്തില് 41) എന്നീ കൂട്ടുകെട്ടുകള് ടീമിനെ വിജയതീരമണച്ചു. സ്റ്റോക്സ് 26 പന്തില് ആറു ഫോറും മൂന്നു സിക്സും സഹിതം 50 റണ്സെടുത്ത് പുറത്തായി. മികച്ച ഫോമിലായിരുന്ന മലയാളി താരം സഞ്ജു സാംസണ് 25 പന്തില് നാലു ഫോറും മൂന്നു സിക്സും സഹിതം 48 റണ്സെടുത്തു. അര്ഹിച്ച അര്ധസെഞ്ചുറിയിലേക്ക് നീങ്ങിയ സഞ്ജു നിര്ഭാഗ്യകരമായ രീതിയില് റണ്ണൗട്ടായി. റോബിന് ഉത്തപ്പയാണ് (23 പന്തില് ഒരു ഫോറും രണ്ടു സിക്സും സഹിതം 30) പുറത്തായ മറ്റൊരു താരം. ക്യാപ്റ്റന് സ്റ്റീവ് സ്മിത്ത് (20 പന്തില് അഞ്ച് ഫോറുകള് സഹിതം പുറത്താകാതെ 31), ജോസ് ബട്ലര് (11 പന്തില് പുറത്താകാതെ 22) എന്നിവര് രാജസ്ഥാനെ വിജയത്തിലെത്തിച്ചു. പഞ്ചാബിനായി മുരുകന് അശ്വിന്, ക്രിസ് ജോര്ദാന് എന്നിവര് ഓരോ വിക്കറ്റ് വീഴ്ത്തി.
ആറാം ഓവറില് ക്രിസ് ജോര്ദനാണ് സ്റ്റോക്സിനെ ദീപക് ഹൂഡയുടെ കൈകളില് എത്തിച്ചത്. പിന്നീട് ഇറങ്ങിയ സഞ്ജു സാംസണ് ആദ്യം മുതല് ആക്രമിച്ച് കളിച്ചു. രണ്ടാം വിക്കറ്റില് സഞ്ജുവും ഉത്തപ്പയും ചേര്ന്ന് 51 റണ്സ് രാജസ്ഥാന് സ്കോര് ബോര്ഡിലേക്ക് ചേര്ത്തു. 11-ാം ഓവറില് മുരുകന് അശ്വിനാണ് ഉത്തപ്പയെ പവലിയനിലേക്ക് മടക്കിയത്. മൂന്നാമനായി ഇറങ്ങിയ ക്യാപ്റ്റന് സ്റ്റീവ് സ്മിത്തുമായി ചേര്ന്ന് സഞ്ജു ആക്രണം തുടര്ന്നു. രവി ബിഷ്ണോയ് എറിഞ്ഞ 15-ാം ഓവറില് അനാവശ്യ റണ്ണിന് ശ്രമിച്ച സ്റ്റീവ് സ്മിത്തിന്റെ ഓട്ടമാണ് സഞ്ജുവിനെ മടക്കിയത്. സബ്സറ്റിറ്റിയൂട്ടായി ഇറങ്ങിയ സുജിത്തിന്റെ കിടിലന് ത്രോയില് സഞ്ജു റണ്ണൗട്ട് ആകുകയായിരുന്നു. അര്ധസെഞ്ചുറിക്ക് രണ്ട് റണ്സ് അകലെയായിരുന്നു സഞ്ജുവിന്റെ വീഴ്ച.
ഐപിഎല് 13-ാം സീസണിലെ നിര്ണായക മത്സരത്തില് രാജസ്ഥാനു മുന്നില് കിങ്സ് ഇലവന് പഞ്ചാബ് 186 റണ്സ് വിജയലക്ഷ്യമുയര്ത്തിയത് അര്ഹിച്ച സെഞ്ചുറിക്ക് ഒരു റണ് മാത്രം അകലെ ആര്ച്ചറിന് വിക്കറ്റ് സമ്മാനിച്ച് പുറത്തായ ക്രിസ് ഗെയ്ലിന്റെ മികവിലാണ്. തകര്ത്തടിച്ച ഗെയ്ല്, 63 പന്തില് ആറു ഫോറും എട്ട് പടുകൂറ്റന് സിക്സറുകളും സഹിതമാണ് 99 റണ്സെടുത്തത്. ഇതിനിടെ ട്വന്റി20 ക്രിക്കറ്റില് 1000 സിക്സറുകളെന്ന റെക്കോര്ഡും ഗെയ്ല് പിന്നിട്ടു. ഒടുവില് സെഞ്ചുറി ഉറപ്പിച്ച ഘട്ടത്തില് ഇന്നിങ്സിലെ അവസാന ഓവറിലാണ് ഗെയ്ലിനെ ആര്ച്ചര് ക്ലീന് ബൗള്ഡാക്കിയത്. സെഞ്ചുറി നഷ്ടത്തിന്റെ നിരാശയില് ബാറ്റ് വലിച്ചെറിഞ്ഞാണ് ഗെയ്ല് പ്രതികരിച്ചത്. പിന്നീട് പതിവുശൈലിയില് ബാറ്റില് ഹെല്മറ്റ് കോര്ത്ത് പവലിയനിലേക്ക് മടങ്ങി. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ പഞ്ചാബ് നിശ്ചിത 20 ഓവറില് നാലു വിക്കറ്റ് മാത്രം നഷ്ടത്തിലാണ് 185 റണ്സടിച്ചത്. നിക്കോളാസ് പുരാനാണ് പഞ്ചാബ് നിരയില് പുറത്തായ മൂന്നാമന്. നേടിയത് 10 പന്തില് മൂന്നു സിക്സറുകള് സഹിതം 22 റണ്സ്.
മാക്സ്വെല് (ആറു പന്തില് ആറ്), ദീപക് ഹൂഡ (ഒരു പന്തില് ഒന്ന്) എന്നിവര് പുറത്താകാതെ നിന്നു. രാജസ്ഥാനായി ജോഫ്ര ആര്ച്ചര് നാല് ഓവറില് 26 റണ്സ് വഴങ്ങിയും ബെന് സ്റ്റോക്സ് നാല് ഓവറില് 32 റണ്സ് വഴങ്ങിയും രണ്ട് വിക്കറ്റ് വീതം വീഴ്ത്തി.
https://www.facebook.com/Malayalivartha