ആസ്ട്രേലിയ ദക്ഷിണാഫ്രിക്കയ്ക്ക് എതിരായ ടെസ്റ്റ് പരമ്പരയില്‍ നിന്ന് പിന്മാറിയതോടെ കോളടിച്ചത് ന്യൂസിലാന്‍ഡ്. ഇതോടെ ലോക ടെസ്റ്റ് ചാമ്ബ്യന്‍ഷിപ്പിന്റെ ഫൈനലിലെത്തുന്ന ആദ്യ ടീമായി കിവീസ് മാറി. ഏറ്റവും ഉയര്‍ന്ന വിജയശരാശരിയുമായാണ് കിവീസ് ഫൈനല്‍ ഉറപ്പിച്ചത്. കൊവിഡ് കാരണം പല പരമ്പരകളും റദ്ദാക്കപ്പെട്ടതിനാലാണ് ചാമ്ബ്യന്‍ഷിപ്പിന് ആദ്യം നിശ്ചയിച്ചിരുന്ന പോയിന്റ് ക്രമം മാറ്റി വിജയശരാശരി മാനകമാക്കിയത്. ഇപ്പോള്‍ 70ന് മുകളില്‍ വിജയശരാശരിയുള്ള ന്യൂസിലാന്‍ഡിനെ മറികടക്കാന്‍ ആര്‍ക്കും സാദ്ധ്യമല്ല. ഇന്ത്യയും ഇംഗ്ളണ്ടും തമ്മിലുള്ള ടെസ്റ്റ് പരമ്ബരയിലെ വിജയികളാണ് ഫൈനലില്‍ കിവീസിനെ നേരിടുക.