ഒരു വര്ഷത്തിനു ശേഷം ഇന്ത്യന് വനിതാ ടീം രാജ്യാന്തര മത്സരങ്ങള്ക്കായി കളിക്കളത്തില്; ദക്ഷിണാഫ്രിക്കന് വനിതാ ക്രിക്കറ്റ് ടീമിന്റെ ഇന്ത്യന് പര്യടനം മാര്ച്ച് ഏഴ് മുതല്; ബയോബബിള് സംവിധാനത്തില് ലക്നൗവിലോ കാണ്പൂരിലോ ആവും മത്സരങ്ങളെന്ന് റിപ്പോർട്ട്
ഒരു വര്ഷത്തിനു ശേഷം ഇന്ത്യന് വനിതാ ടീം രാജ്യാന്തര മത്സരങ്ങള്ക്കായി കളിക്കളത്തില് ഇറങ്ങുന്നു. ദക്ഷിണാഫ്രിക്കന് വനിതാ ക്രിക്കറ്റ് ടീമിന്റെ ഇന്ത്യന് പര്യടനം മാര്ച്ച് ഏഴ് മുതല് ആരംഭിക്കുമെന്ന് റിപ്പോര്ട്ട്. ബയോബബിള് സംവിധാനത്തില് ലക്നൗവിലോ കാണ്പൂരിലോ ആവും മത്സരങ്ങള് എന്നാണ് ലഭ്യമാകുന്ന വിവരം. ഇതിൽ അഞ്ച് ടി-20കളും മൂന്ന് ഏകദിനങ്ങളുമാണ് പരമ്പരയില് ഉള്ളത്.
അതേസമയം തിരുവനന്തപുരം കാര്യവട്ടത്തെ ഗ്രീന്ഫീല്ഡ് ആണ് പരമ്പരയ്ക്കായി ആദ്യം വേദിയാക്കാന് തീരുമാനിച്ചിരുന്നത്. എന്നാല്, ഗ്രൗണ്ടില് സൈനിക റിക്രൂട്ട്മെന്്റ് നടക്കുന്നതിനാല് ഇവിടെ മത്സരങ്ങള് നടത്താന് കഴിയില്ലെന്ന് കേരള ക്രിക്കറ്റ് അസോസിയേഷന് അറിയിക്കുകയുണ്ടായി. സ്റ്റേഡിയത്തിന്്റെ നടത്തിപ്പ് അവകാശമുള്ള ഐ.എല് & എഫ്.എസ് കമ്പനിയാണ് ഗ്രീന്ഫീല്ഡ് സ്റ്റേഡിയം റിക്രൂട്ട്മെന്റ് റാലിക്ക് വിട്ടുനല്കിയത്.
https://www.facebook.com/Malayalivartha
