ശ്രീലങ്കന് ഓള്റൗണ്ടര് തിസാര പെരേര അന്താരാഷ്ട്ര ക്രിക്കറ്റില് നിന്ന് വിരമിച്ചു
ശ്രീലങ്കന് ഓള്റൗണ്ടര് തിസാര പെരേര അന്താരാഷ്ട്ര ക്രിക്കറ്റില് നിന്ന് വിരമിച്ചു. പുതിയ തലമുറക്കായി വഴിമാറാനും കുടുംബത്തില് ശ്രദ്ധ കേന്ദ്രീകരിക്കാനുമാണ് വിരമിക്കുന്നതെന്ന് പെരേര അറിയിച്ചു. അതേസമയം, ഫ്രാഞ്ചൈസി ക്രിക്കറ്റില് തുടര്ന്ന് കളിക്കുമെന്നും 32-കാരനായ താരം വ്യക്തമാക്കി.
ശ്രീലങ്കയ്ക്കായി ആറു ടെസ്റ്റുകളും 166 ഏകദിനങ്ങളും 84 ട്വന്റി 20 മത്സരങ്ങളും കളിച്ചിട്ടുണ്ട്. ഏകദിനത്തില് 2,338 റണ്സും 175 വിക്കറ്റും നേടിയ താരം ട്വന്റി 20-യില് 1204 റണ്സും 51 വിക്കറ്റും സ്വന്തമാക്കിയിട്ടുണ്ട്. പരിമിത ഓവര് ക്രിക്കറ്റില് ലങ്കന് ടീമിലെ സ്ഥിരാംഗമായിരുന്നെങ്കിലും ടെസ്റ്റില് തിളങ്ങാന് പെരേരയ്ക്ക് സാധിച്ചില്ല. 2014-ല് ട്വന്റി-20 ലോകകപ്പില് ഇന്ത്യയെ തകര്ത്ത് കിരീടം നേടിയ ലങ്കന് ടീമില് അംഗമായിരുന്നു. 2017-ല് ശ്രീലങ്കയെ മൂന്ന് ഏകദിനങ്ങളില് നയിച്ചിട്ടുണ്ട്.
https://www.facebook.com/Malayalivartha