കോവിഡ് രണ്ടാം തരംഗം ഐപിഎല്ലിനും ഭീഷണിയാകുന്നു. ബുധനാഴ്ച നടക്കേണ്ട ചെന്നൈ സൂപ്പര്‍ കിംഗ്‌സ്-രാജസ്ഥാന്‍ റോയല്‍സ് മത്സരവും മാറ്റിവച്ചു.


ചെന്നൈ ടീമിന്റെ സപ്പോര്‍ട്ടിംഗ് സ്റ്റാഫിലെ ചിലര്‍ക്ക് രോഗം സ്ഥിരീകരിച്ചതോടെയാണ് നടപടി. കഴിഞ്ഞ ദിവസം ബൗളിംഗ് പരിശീലകന്‍ ബാലാജിക്കും ടീം ചീഫ് എക്‌സിക്യൂട്ടീവ് ഓഫീസര്‍ കെ.വിശ്വനാഥനും കോവിഡ് പോസിറ്റീവായിരുന്നു.

രണ്ടു കളിക്കാര്‍ക്ക് കോവിഡ് പിടിപെട്ടതോടെ തിങ്കളാഴ്ച നടക്കേണ്ടിയിരുന്ന കോല്‍ക്കത്ത നൈറ്റ് റൈഡേഴ്‌സ്-ബംഗളൂരു റോയല്‍ ചലഞ്ചേഴ്‌സ് മത്സരവും മാറ്റിവച്ചിരുന്നു.

ടീം സ്റ്റാഫിനോ കളിക്കാര്‍ക്കോ കോവിഡ് സ്ഥിരീകരിച്ചാല്‍ ടീം ഒന്നടങ്കം ഏഴ് ദിവസം ക്വാറന്ൈറനില്‍ പോകണമെന്നാണ് ഐപിഎല്‍ ചട്ടം.