ഇന്ത്യൻ പ്രീമിയർ ലീഗ് പെട്ടെന്ന് തന്നെ നിർത്തിയില്ലെങ്കിൽ വലിയൊരു പ്രതിയോസന്ധി അനുഭവിക്കേണ്ടി വരും . ആദ്യം കൊവിഡ് സ്ഥിരീകരിച്ച കൊൽക്കത്ത നൈറ്റ് റൈഡേഴ്സ് ടീമിലെ നാലാമത്തെ കളിക്കാരനും രോഗം സ്ഥിതീകരിച്ചു. കൊൽക്കത്ത സ്പിന്നർ വരുൺ ചക്രവർത്തിക്കാണ് ആദ്യം കൊവിഡ് വന്നിരുന്നത്. പിന്നീട് പേസർ സന്ദീപ് വാര്യർക്കായിരുന്നു കൊവിഡ് പോസിറ്റീവായത്.

ഐപിഎൽ നിർത്തിവെച്ചതിന് ശേഷം ന്യൂസിലൻറ് താരം ടിം സെയ്ഫർട്ടിനും രോഗം വന്നിരുന്നു. ഇപ്പോഴിതാ കൊൽക്കത്ത ടീമിലെ മറ്റൊരു പേസർ പ്രസിദ്ധ് കൃഷ്ണയ്ക്കും കൊവിഡ് പോസിറ്റീവായിരിക്കുന്നു. കെകെആർ ടീമിന് പുറമെ ഡൽഹി കാപ്പിറ്റൽസ് സ്പിന്നർ അമിത് മിശ്രയ്ക്കും ചെന്നൈ സൂപ്പർ കിങ്സ് ക്യാമ്പിലെ മൂന്ന് പേർക്കും രോഗം സ്ഥിരീകരിച്ചിട്ടുണ്ട്.

ബെംഗളൂരുവിൽ വീട്ടിൽ ക്വാറൻൈറനിൽ കഴിയുകയാണ് പ്രസിദ്ധ് കൃഷ്ണയെന്ന് പിടിഐ റിപ്പോർട്ട് ചെയ്തു. വരുൺ ചക്രവർത്തിയിൽ നിന്നാണ് പ്രസിദ്ധിനും സന്ദീപിനും രോഗം വന്നതെന്നാണ് കരുതുന്നത്. വരുണിൻെറ ടീമിലെ ഏറ്റവും അടുത്ത സുഹൃത്താണ് പ്രസിദ്ധ് കൃഷ്ണ.

ഇന്ത്യയുടെ ഇംഗ്ലണ്ട് പര്യടനത്തിനുള്ള ടെസ്റ്റ് ടീമിൽ റിസർവ് അംഗമായി പ്രസിദ്ധിനെയും ഉൾപ്പെടുത്തിയിട്ടുണ്ട്. ഈ സന്തോഷവാർത്തയ്ക്ക് പിന്നാലെയാണ് രോഗം സ്ഥിരീകരിച്ചെന്ന വാർത്ത എത്തുന്നത്.