സയ്യിദ് മുഷ്താഖ് അലി ട്രോഫിക്കുള്ള കേരള ക്രിക്കറ്റ് ടീമിനെ സഞ്ജു സാംസണ്‍ നയിക്കും; സച്ചിന്‍ ബേബി വൈസ് ക്യാപ്റ്റനാകും; ശ്രീശാന്ത് പുറത്ത്
സയ്യിദ് മുഷ്താഖ് അലി ട്രോഫിക്കുള്ള കേരള ക്രിക്കറ്റ് ടീമിനെ സഞ്ജു സാംസണ്‍ നയിക്കും. സച്ചിന്‍ ബേബിയാണ് വൈസ് ക്യാപ്റ്റന്‍. അതിഥി താരങ്ങളായ റോബിന്‍ ഉത്തപ്പ, ജലജ് സക്‌സേന എന്നിവരും ടീമിലുണ്ട്. കഴിഞ്ഞ വര്‍ഷം ടീമിലുണ്ടായിരുന്ന സീനിയര്‍ താരം എസ് ശ്രീശാന്ത് പുറത്തായി. 20 അംഗ ടീമിനെയാണ് പ്രഖ്യാപിച്ചത്. മുന്‍ ഇന്ത്യന്‍ താരം ടിനു യോഹന്നാണ് പരിശീലകന്‍.
നവംബര്‍ നാലിന് ഗുജറാത്തിനെതിരെയാണ് കേരളത്തിന്റെ ആദ്യമത്സരം. ഇത്തവണ ഡല്‍ഹിയിലാണ് സയ്യിദ് മുഷ്താഖ് അലി ട്രോഫി നടക്കുക.
മറ്റു ടീമംഗങ്ങള്‍: മുഹമ്മദ് അസ്ഹറുദ്ദീന്‍, വിഷ്ണു വിനോദ്, കെ.എം.ആസിഫ്, ബേസില്‍ തമ്ബി, സിജോമോന്‍ ജോസഫ്, വത്സല്‍ ഗോവിന്ദ്, പി.കെ.മിഥുന്‍, എസ്.മിഥുന്‍, റോഹന്‍.എസ്.കുന്നുമ്മല്‍, റോജിത് ഗണേഷ്, ഷറഫുദ്ദീന്‍, വിശ്വേശ്വര്‍ സുരേഷ്, മനു കൃഷ്ണന്‍, എം.എസ്.അഖില്‍, വൈശാഖ് ചന്ദ്രന്‍, അബ്ദുല്‍ ബാസിത്. റിസര്‍വ് താരങ്ങള്‍: കൃഷ്ണ പ്രസാദ്, അക്ഷയ് കെ സി, ആനന്ദ് ജോസഫ്.
https://www.facebook.com/Malayalivartha
