ശ്രീലങ്കയെ തകര്ത്ത് ടീം ഇന്ത്യ... ഏകദിന പരമ്പരയും തൂത്തുവാരാന് ലക്ഷ്യമിട്ടിറങ്ങിയ ഇന്ത്യയ്ക്ക് ശ്രീലങ്കയ്ക്കെതിരെ കൂറ്റന് വിജയം; ജന്മനാട്ടിലെ ഏറ്റവും വലിയ പരാജയം
ഏകദിന പരമ്പരയും തൂത്തുവാരാന് ലക്ഷ്യമിട്ടിറങ്ങിയ ഇന്ത്യയ്ക്ക് ശ്രീലങ്കയ്ക്കെതിരെ കൂറ്റന് വിജയം. 168 റണ്സിനാണ് ശ്രീലങ്കയെ ഇന്ത്യ തകര്ത്തുകളഞ്ഞത്. ജന്മനാട്ടിലെ ഏറ്റവും വലിയ പരാജയമാണ് കൊളംബോയിലെ പ്രേമദാസ സ്റ്റേഡിയത്തില് ശ്രീലങ്ക ഏറ്റുവാങ്ങിയത്.
ടോസ് നേടി ബാറ്റിങ് തിരഞ്ഞെടുത്ത ഇന്ത്യ, ക്യാപ്റ്റന് കോഹ്!ലിയുടെയും ഓപ്പണര് രോഹിത് ശര്മയുടെയും മികവില് നേടിയത് അഞ്ചിന് 375 റണ്സ്. മറുപടി ബാറ്റിങ്ങിനിറങ്ങിയ ശ്രീലങ്ക 207 റണ്സ് എടുക്കുന്നതിനിടെ ഓള് ഔട്ടായി. 42.2 ഓവറിലാണ് ലങ്കയെ ഇന്ത്യ ചുരുട്ടിക്കൂട്ടിയത്.
ലങ്കന് നിരയില് ആഞ്ജലോ മാത്യൂസ് ആണ് അര്ധസെഞ്ചുറി പിന്നിട്ടത്. മാത്യൂസ് 80 ബോളില്നിന്ന് 70 റണ്സ് എടുത്തു. മിലിന്ഡ ശ്രീവര്ധന (39), വാനിഡു ഹാസരംഗ (22), ലഹിരു തിരുമന്നെ (18), നിരോഷന് ഡിക്വെല്ല (14) അഖില ധനഞ്ജയ (11), ദില്ഷന് മുനവീറ (11) എന്നിവരാണ് രണ്ടക്കം കടന്നത്. തുടര്ച്ചയായ ഇടവേളകളില് വിക്കറ്റ് വീഴ്ത്തി ഇന്ത്യയുടെ ബൗളിങ് പട വിജയത്തിന് വേഗം കൂട്ടി.
ശ്രീലങ്ക സ്കോറിലേക്ക് 22, 26, 37, 68, 141, 177, 190, 196, 207 റണ്സുകള് കൂട്ടിച്ചേര്ക്കുന്നതിനിടെയാണ് ഇന്ത്യ വിക്കറ്റുകള് പിഴുതെടുത്തത്. ജസ്മീത് ബുമ്ര, ഹാര്ദിക് പാണ്ഡ്യ, കുല്ദീപ് യാദവ് എന്നിവര് രണ്ടു വിക്കറ്റുകള് വീതമെടുത്തു. ഷര്ദുല് ഠാക്കൂര്, അകസ്ര് പട്ടേല് എന്നിവര് ഓരോ വിക്കറ്റ് വീതവും ഇന്ത്യയ്ക്കായി സ്വന്തമാക്കി.
ലങ്കന് ബോളര്മാരെ നിലംപരിശാക്കിയാണ് ഇന്ത്യ മുന്നേറിയത്. ക്യാപ്റ്റന് കോഹ്ലി നേടിയത് 29ാം ഏകദിന സെഞ്ചുറി. 96 പന്തില് 131 റണ്സുമായി കോഹ്ലി മടങ്ങുമ്പോള് ഇന്ത്യക്ക് കൂറ്റന് സ്കോറിനുളള അടിത്തറ ഒരുങ്ങിയിരുന്നു. ക്യാപ്റ്റനു പിന്നാലെ ഓപ്പണര് രോഹിത് ശര്മയും സെഞ്ചുറിയിലേക്ക് എത്തിയതോടെ മല്സരത്തില് ഇന്ത്യയുടെ പൂര്ണ മേധാവിത്വമായി. രോഹിത്തിന്റെ 13ാം ഏകദിന സെഞ്ചുറിയായിരുന്നു ഇത്.
മനീഷ് പാണ്ഡെ 50 റണ്സോടെയും മികച്ച ഫോം തുടരുന്ന ധോണി 49 റണ്സുമായും പുറത്താകാതെ നിന്നു. ആറാം വിക്കറ്റില് ഇരുവരും ചേര്ന്ന് 101 റണ്സാണ് കൂട്ടിച്ചേര്ത്തത്. ടോസ് നേടിയ ഇന്ത്യ ബാറ്റിങ് തിരഞ്ഞെടുക്കുകയായിരുന്നു. എന്നാല് സ്കോര് ബോര്ഡില് വെറും ആറു റണ്സ് മാത്രമുള്ളപ്പോള് ഓപ്പണര് ശിഖര് ധവാന് (നാല്) പുറത്തായി. പിന്നീട് രണ്ടാം വിക്കറ്റില് കോഹ്ലി, രോഹിത് കൂട്ടുകെട്ട് നേടിയ ഇരട്ട സെ!ഞ്ചുറി കൂട്ടുകെട്ടാണ് ഇന്ത്യന് സ്കോറിന് അടിത്തറ പാകിയത്.
ശിഖര് ധവാന് (നാല്), വിരാട് കോഹ്ലി (96 പന്തില് 131), ഹാര്ദ്ദിക് പാണ്ഡ്യ (18 പന്തില് 19), രോഹിത് ശര്മ (88 പന്തില് 104), ലോകേഷ് രാഹുല് (ഏഴ്) എന്നിവരുടെ വിക്കറ്റുകളാണ് ഇന്ത്യക്കു നഷ്ടമായത്. സെഞ്ചുറി തികച്ചു മുന്നേറുകയായിരുന്ന കോഹ്ലിയെ ലങ്കന് ക്യാപ്റ്റന് ലസിത് മലിംഗയാണ് പുറത്താക്കിയത്. ഏകദിനത്തില് മലിംഗയുടെ 300 മത്തെ ഇരയായിരുന്നു കോഹ്ലി.
കുല്ദീപ് യാദവ്, മനീഷ് പാണ്ഡെ, ഷര്ദുല് ഠാക്കൂര് എന്നിവരെ ടീമിലുള്പ്പെടുത്തിയാണ് ഇന്ത്യ നാലാം ഏകദിനത്തിന് ഇറങ്ങിയത്. ഷര്ദുല് ഠാക്കൂറിന്റെ ഏകദിന അരങ്ങേറ്റ മല്സരമാണിത്. യുസ്വേന്ദ്ര ചാഹല്, കേദാര് ജാദവ്, ഭുവനേശ്വര് കുമാര് എന്നിവര്ക്കാണ് വിശ്രമം അനുവദിച്ചത്.
https://www.facebook.com/Malayalivartha