പരമ്പര തൂത്തുവാരി ഇന്ത്യ... ശ്രീലങ്ക ഉയര്ത്തിയ 239 റണ്സ് വിജയലക്ഷ്യം 46.3 ഓവറില് നാലു വിക്കറ്റ് നഷ്ടത്തില് ഇന്ത്യ മറികടന്നു
അഞ്ചാം ഏകദിനത്തില് ശ്രീലങ്കയ്ക്കെതിരെ ഇന്ത്യയ്ക്ക് അനായാസ ജയം. ശ്രീലങ്ക ഉയര്ത്തിയ 239 റണ്സ് വിജയലക്ഷ്യം 46.3 ഓവറില് നാലു വിക്കറ്റ് നഷ്ടത്തില് ഇന്ത്യ മറികടന്നു. അഞ്ചാം ഏകദിനത്തിലും ആതിഥേയരെ തകര്ത്തെറിഞ്ഞ ഇന്ത്യ അഞ്ച് ഏകദിനങ്ങളടങ്ങിയ പരമ്പര തൂത്തുവാരി. 30-ാം ഏകദിന സെഞ്ചുറി കുറിച്ച ക്യാപ്റ്റന് വിരാട് കോഹ്ലി (110) ബാറ്റിങ്ങിലും ശ്രീലങ്കയുടെ അഞ്ചു വിക്കറ്റുകള് പിഴുത ഭുവനേശ്വര് കുമാര് ബോളിങ്ങിലും ഇന്ത്യയുടെ വിജയശില്പികളായി.
ഇന്ത്യയ്ക്കായി കേദാര് ജാദവും അര്ധസെഞ്ചുറി (73 പന്തില് 63) നേടി. നാലാം വിക്കറ്റില് കോഹ്ലി- ജാദവ് സഖ്യം 109 റണ്സ് കൂട്ടിച്ചേര്ത്തു. കഴിഞ്ഞ മല്സരത്തില് പുറത്താകാതെ നിന്ന് റെക്കോര്ഡിട്ട ധോണി ഈ മല്സരത്തിലും ഒരു റണ്ണോടെ പുറത്താകാതെ നിന്നു.
ഏകദിന ക്രിക്കറ്റില് ആദ്യമായി 100 സ്റ്റംപിങ്ങുകള് എന്ന നേട്ടം മഹേന്ദ്രസിങ് ധോണി കൈവരിക്കുന്നതിനും മല്സരം വേദിയായി. ശ്രീലങ്കയില് ചെന്ന് അവര്ക്കെതിരെ പരമ്പര തൂത്തുവാരുന്ന ആദ്യ ടീമെന്ന റെക്കോര്ഡും ഇന്ത്യ സ്വന്തമാക്കി.
ഏകദിന സെഞ്ചുറികളുടെ എണ്ണത്തില് സച്ചിനു (49) തൊട്ടു പിന്നിലെത്താനും കോഹ്ലിക്കായി (30). ശ്രീലങ്ക ഉയര്ത്തിയ 239 റണ്സിന്റെ വിജയലക്ഷ്യത്തിലേക്കു ബാറ്റെടുത്ത ഇന്ത്യയുടെ തുടക്കം തകര്ച്ചയോടെയായിരുന്നു. പരമ്പരയിലാദ്യമായി അവസരം ലഭിച്ച അജിങ്ക്യ രഹാനെയാണ് ആദ്യം പുറത്തായത്. നിലയുറപ്പിക്കാന് പാടുപെട്ട രഹാനെ, 17 പന്തില് അഞ്ചു റണ്സുമായി പുറത്തായി.
സ്കോര് 29ല് നില്ക്കെ രോഹിത് ശര്മയും (20 പന്തില് 16) മടങ്ങിയെങ്കിലും മനീഷ് പാണ്ഡെ (53 പന്തില് 36), കേദാര് ജാദവ് (0) എന്നിവരെ കൂട്ടുപിടിച്ച് വിരാട് കോഹ്ലി ടീമിനെ വിജയത്തിലെത്തിച്ചു. മൂന്നാം വിക്കറ്റില് പാണ്ഡെയ്ക്കൊപ്പവും നാലാം വിക്കറ്റില് കേദാര് ജാദവിനൊപ്പവും കോഹ്!ലി അര്ധസെഞ്ചുറി കൂട്ടുകെട്ടു തീര്ത്തു. കൂട്ടുകെട്ടു സെഞ്ചുറിയിലെത്താന് ഒരു റണ് മാത്രം വേണ്ടപ്പോഴാണ് പാണ്ഡെ പുറത്തായത്. 116 പന്തുകള് നേരിട്ട കോഹ്ലി ഒന്പതു ബൗണ്ടറികള് ഉള്പ്പെടെയാണ് 110 റണ്െസടുത്തത്.
https://www.facebook.com/Malayalivartha