സ്‌പെയിനോട് എതിരില്ലാത്ത ആറു ഗോളുകള്‍ക്ക് ക്രൊയേഷ്യക്ക് തോല്‍വി
യുവേഫ നേഷന്‍സ് കപ്പ് ലീഗ് എയിലെ ഗ്രൂപ്പ് നാലില്‍ സ്‌പെയിനോട് എതിരില്ലാത്ത ആറു ഗോളുകള്‍ക്ക് ക്രൊയേഷ്യ തോറ്റു. സൂപ്പര്‍ താരങ്ങളായ മോഡ്രിച്ചും റാകിറ്റിച്ചും പെരിസിച്ചും അടങ്ങിയ ക്രൊയേഷ്യ അവരുടെ ചരിത്രത്തിലെ നാണംകെട്ട പരാജയമാണ് ഏറ്റുവാങ്ങിയത്. ആതിഥേയരായ സ്‌പെയിന്‍ ഇരുപത്തിനാലാം മിനിറ്റിലാണ് ഗോള്‍ വേട്ട ആരംഭിച്ചത്.
ഡാനിയേല്‍ കര്‍വജല്‍ നീട്ടിനല്‍കിയ ക്രോസില്‍ നിന്ന് സൗള്‍ നിഗ്വസ് ക്രൊയേഷ്യയുടെ വല കുലുക്കി. മാര്‍ക്കോ അസെന്‍സിയോ(33) നേടിയ ഗോളിനൊപ്പം ഒപ്പം ഒരു സെല്‍ഫ് ഗോള്‍ കൂടി കിട്ടിയതോടെ ആദ്യ പകുതിയില്‍ സ്‌കോര്‍ 30. രണ്ടാം പകുതിയില്‍ റോഡ്രിഗോ മോറെന്‍സോയുടെ വലതുകാല്‍ ഷോട്ട്‌സ്പാനിഷ് ടീമിന് നാ ലാം ഗോള്‍ സമ്മാനിച്ചു.
ക്യാപ്റ്റന്‍ സെര്‍ജിയോ റാമോസ്(57), എസ്‌കോ (70) എന്നിവര്‍ കൂടി വലകുലുക്കിയതോടെ ക്രൊയേഷ്യയുടെ പതനം പൂര്‍ത്തിയായി. പന്തടക്കത്തിലും സ്‌പെയിന്‍ സമ്പൂര്‍ണ്ണ ആധിപത്യം പുലര്‍ത്തി.പുതിയ പരിശീലകന്‍ ലൂയിസ് എന്‍ റിക്വെയുടെ കീഴില്‍ സ്‌പെയിന്റെ തുടര്‍ച്ചയായ രണ്ടാം ജയമാണിത്. ആദ്യ മത്സരത്തില്‍ സ്‌പെയിന്‍ ഇംഗ്ലണ്ടിനെയും തോല്‍പ്പിച്ചിരുന്നു. രണ്ടു ജയത്തോടെ ഗ്രൂപ്പ് നാലില്‍ ആറു പോയിന്റുമായി സ്‌പെയിന്‍ ഒന്നാം സ്ഥാനം നിലനിര്‍ത്തി.
https://www.facebook.com/Malayalivartha
