സന്തോഷ് ട്രോഫി കിരീടം നിലനിര്ത്താനായി പുറപ്പെട്ട കേരളത്തിന് ദക്ഷിണ മേഖല റൗണ്ടില് ഇന്ന് ആദ്യ അങ്കം
സന്തോഷ് ട്രോഫി കിരീടം നിലനിര്ത്താനായി പുറപ്പെട്ട കേരളത്തിന് ദക്ഷിണ മേഖല റൗണ്ടില് ഇന്ന് ആദ്യ അങ്കം. തമിഴ്നാട്ടിലെ നെയ്വേലിയില് നടക്കുന്ന മേഖല പോരില് തെലങ്കാനക്കെതിരെയാണ് ആദ്യ മത്സരം. രാവിലെ ഒമ്പതിനാണ് മത്സരം. കഴിഞ്ഞ വര്ഷം കൊല്ക്കത്തയില് കിരീടമണിഞ്ഞ കേരളം മധ്യനിരയിലെ പരിചയസമ്പന്നന് എസ്. സീസണിനു കീഴിലാണ് ഇക്കുറി പന്തുതട്ടുന്നത്.
മുന് ഇന്ത്യന് താരവും 2017ല് കേരളത്തെ സെമിഫൈനല് വരെ എത്തിക്കുകയും ചെയ്ത വി.പി. ഷാജിയാണ് പരിശീലകന്. മേഖല യോഗ്യത റൗണ്ടില് തെലങ്കാനക്കു പുറമെ പുതുച്ചേരി (ഫെബ്രുവരി ആറ്), സര്വിസസ് (എട്ട്) എന്നിവര്ക്കെതിരെയാണ് കേരളത്തിന്റെ മറ്റു മത്സരങ്ങള്. ഗ്രൂപ്പില് കേരളമാണ് ശക്തര്. മലയാളി താരങ്ങള് അണിനിരക്കുന്ന സര്വിസസാവും കാര്യമായ വെല്ലുവിളി.
കഴിഞ്ഞ തവണ കിരീടമണിഞ്ഞ ടീമിലെ 10 പേരെ നിലനിര്ത്തിയാണ് കേരളം ഇക്കുറി കളത്തിലിറങ്ങുന്നത്. ഒമ്പത് പുതുമുഖങ്ങളെക്കൂടി ഉള്പ്പെടുത്തി. ഗോള്കീപ്പര് വി. മിഥുനാണ് വൈസ് ക്യാപ്റ്റന്. ''ഗ്രൂപ് റൗണ്ടില് എതിരാളികള് ശക്തരാണ്. പക്ഷേ, സ്വാഭാവിക കളി പുറത്തെടുക്കാനാണ് ടീം അംഗങ്ങളോട് ആവശ്യപ്പെട്ടത്.
"
https://www.facebook.com/Malayalivartha