ജര്മന് നായകന് ബാസ്റ്റിന് ഷ്വയ്ന്സ്റ്റീഗര് വിരമിച്ചു
ജര്മന് നായകനും മാഞ്ചസ്റ്റര് യുണൈറ്റഡ് താരവുമായ ബാസ്റ്റിന് ഷ്വയ്ന്സ്റ്റീഗര് അന്താരാഷ്ട്ര ഫുട്ബോളില് നിന്നും വിരമിച്ചു. ജര്മനിയുടെ എക്കാലത്തേയും മികച്ച താരമായിരുന്നു ഷ്വെ്ന്സ്റ്റീഗര്. നാല് യൂറോ കപ്പിലും മൂന്ന് ലോകകപ്പിലും ജര്മന് ടീമിന് വേണ്ടി കളിച്ചു. 2104 ലോകകപ്പ് നേടിയ ജര്മന് ടീമിലെ അംഗമായിരുന്നു . രാജ്യത്തിന് വേണ്ടി 120 മല്സരങ്ങള് കളിച്ചു. ട്വിറ്ററിലൂടെയാണ് താരം വിരമിക്കല് പ്രഖ്യാപനം നടത്തിയത്.
വിരമിക്കല് ശരിയായ സമയത്താണെന്നും കളിക്കളത്തില് എന്നോട് സഹകരിച്ച എല്ലാ ടീമംഗങ്ങള്ക്കും നന്ദിയുണ്ടെന്നും ഷ്വെ്ന്സ്റ്റീഗര് പറഞ്ഞു. യൂറോ കപ്പ് സെമിഫൈനലില് ഫ്രാന്സിനോട് പരാജയപ്പെട്ടതിന് ശേഷം താരം വിരമിക്കുമെന്ന് അഭ്യൂഹങ്ങളുണ്ടായിരുന്നു.
ജര്മന് ക്ലബ്ബായ ബയേണ് മ്യുണിക്കിന്റെ യൂത്ത് അക്കാഡമിയിലൂടെ വളര്ന്നു വന്ന താരമായിരുന്നു ആരാധകര് 'ബോസ്സ്' എന്ന് വിളിക്കുന്ന ഷ്വയ്ന്സ്റ്റീഗര്. 17 വര്ഷം ബയേണ് മ്യുണിക്കില് കളിച്ച താരം ഈയിടെയാണ് ഇംഗ്ലീഷ് ക്ലബ്ബായ മാഞ്ചസ്റ്റര് യുണൈറ്റഡിലേക്ക് ചേക്കേറിയത്. ജര്മ്മനിക്ക് 2014 ലിലെ ലോകകപ്പ് നേടിക്കൊടുക്കുന്നതില് പ്രമുഖ പങ്കുവഹിച്ച താരമാണ് ഈ അറ്റാക്കിങ് മിഡ്ഫീല്ഡര്.
2013 ലെ ഫുട്ബോളര് ഓഫ് ദി ഇയര്, ഒരു ഫിഫ ലോക കപ്പ്, ചാമ്പ്യന്സ് ലീഗ് കപ്പ്, 8 ബുണ്ടസ്ലീഗ കപ്പ്, 7 ജര്മന് കപ്പ്, ഫിഫ ക്ലബ് വേള്ഡ് കപ്പ്, ഇംഗ്ലീഷ് എഫ്.എ കപ്പ് എന്നിവ ഷ്വയ്ന്സ്റ്റീഗര് നേടിയിട്ടുണ്ട്. ടെന്നീസ് താരം അന ഇവാനോവിക്കുമായി ഈയിടെയായിരുന്നു ഷ്വയ്ന്സ്റ്റീഗറിന്റെ വിവാഹം. ഫിലിപ്പ് ലാമിന് ശേഷം ഷ്വയ്ന്സ്റ്റീഗറിന്റെയും വിരമിക്കല് വലിയൊരു ആഖാതമുണ്ടാക്കിയിരിക്കുകയാണ് ജര്മന് ടീമിനും ആരാധകര്ക്കും.
https://www.facebook.com/Malayalivartha