ചരിത്രത്തിൽ ആദ്യമായി ​ഗ്രീസ് ഫുട്ബോൾ ടീം മുൻ ലോക ചാംപ്യൻമാരായ ജർമനിയെ അട്ടിമറിച്ചു. അതും ജർമൻ മണ്ണിൽ വച്ചു തന്നെ! യുവേഫ നേഷൻസ് ലീ​ഗ് പോരിലാണ് മറുപടിയില്ലാത്ത ഒറ്റ ​ഗോളിന് അവർ ചരിത്രത്തിലാദ്യമായി ജർമനിയെ പരാജയപ്പെടുത്തിയത്. ജർമനിയുടെ മുഖ്യ പരിശീലകനായി ചുമതലയേറ്റ യുർ​ഗൻ ക്ലോപിന്റെ രണ്ടാം പോരായിരുന്നു ഇത്. ആദ്യ മത്സരത്തിൽ കരുത്തരായ നെതർലൻഡ്സിനെ 1-1നു സമനിലയിൽ തളച്ചിരുന്നു. രണ്ടാം പോരിൽ ഇപ്പോൾ പരാജയവും അദ്ദേഹത്തിനു നേരിടേണ്ടി വന്നു.

74ാം മിനിറ്റിൽ ദിമിത്രിയോസ് കുർബെലിസിന്റെ ഷോട്ട് ​ഗതി മാറി ​ഗോളായതാണ് മത്സരത്തിൽ നിർണായകമായി തീർന്നത്. ജർമനിയുടെ പെനാൽറ്റി ബോക്സിനു പുറത്തു നിന്ന് കുർബെലിസ് തൊടുത്ത ഷോട്ട് ജർമൻ ക്യാപ്റ്റൻ ജോഷ്വ കിമ്മിചിന്റെ ശരീരത്തിൽ തട്ടി ​ഗതിമാറി വലയിൽ കയറുന്നത് ​ഗോൾ കീപ്പർ അലക്സാണ്ടർ നുബെലിന് നോക്കി നിൽക്കാനായി മാത്രമെ സാധിച്ചുള്ളു. ജർമനിയ്ക്ക് അങ്ങേയറ്റം നിരാശ സമ്മാനിക്കുന്ന രാത്രിയാണ് ഓ​ഗ്സ്ബർ​ഗിൽ അരങ്ങേറിയത്. ​ഗ്രീസിന്റെ ഹൾ സിറ്റി ​ഗോൾ കീപ്പർ കോൺസ്റ്റാന്റിനോസ് സോലാക്കിസ് മത്സരത്തിലുടനീളം മികച്ച സേവുകളുമായി ടീമിനെ കാത്തുകൊള്ളുകയായിരുന്നു.