12ാമത് ഫെഡറേഷന്‍ കപ്പ് ജൂനിയര്‍ അത്‌ലറ്റിക് മീറ്റില്‍ കേരളത്തിന് മൂന്നാം സ്വര്‍ണം. 10,000 മീറ്റര്‍ നടത്തില്‍ കെ.ടി നീനയാണ് കേരളത്തിനുവേണ്ടി സ്വര്‍ണം നേടിയത്. കേരളത്തിന്റെ തന്നെ താരം ബിന്‍സിക്കാണ് വെള്ളി. ഇന്നലെ കേരളം  രണ്ട് സ്വര്‍ണവും രണ്ട് വെള്ളിയുമായും നേടിയിരുന്നു. മെഡല്‍ പട്ടികയില്‍ കേരളം രണ്ടാം സ്ഥാനത്താണ്. ആണ്‍കുട്ടികളുടെ 1500 മീറ്റര്‍ ഓട്ടത്തില്‍ മുഹമ്മദ് അഫ്‌സലും ഹൈജംപില്‍ ശ്രീനിത് മോഹനുമാണ് സ്വര്‍ണം നേടിയത്. പെണ്‍കുട്ടികളുടെ 1500 മീറ്റര്‍ ഓട്ടത്തില്‍ പി.യു ചിത്രയും ജാവ്‌ലിന്‍ ത്രോയില്‍ പ്രജിതയും വെള്ളിനേടി. ആണ്‍കുട്ടികളുടെയും പെണ്‍കുട്ടികളുടെയും 400 മീറ്റര്‍ ഓട്ടം അടക്കം 13 ഇനങ്ങളില്‍ ഇന്ന് മത്സരം നടക്കും. ഹരിയാനയാണ് നിലവില്‍ മെഡല്‍ പട്ടികയില്‍ ഒന്നാം സ്ഥാനത്ത്. തായ്‌വാനിലെ ചൈനീസ് തായ്‌പേയില്‍ നടക്കുന്ന ഏഷ്യന്‍ ജൂനിയര്‍ അത്‌ലറ്റിക് ചാമ്പ്യന്‍ഷിപ്പിലേക്കുള്ള യോഗ്യതാ മത്സരങ്ങളാണ് ചെന്നൈയില്‍ പുരോഗമിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha