അടുത്ത വര്ഷം ഹജ്ജ് നിര്വഹിക്കാന് ഓണ്ലൈനായി ലഭിച്ചത് 4060 അപേക്ഷകള്... സെപ്റ്റംബര് ഒമ്പതുവരെ ഓണ്ലൈനായി അപേക്ഷ സമര്പ്പിക്കാം
സംസ്ഥാന ഹജ്ജ് കമ്മിറ്റി മുഖേന അടുത്ത വര്ഷം ഹജ്ജ് നിര്വഹിക്കാന് ഇതുവരെ ഓണ്ലൈനായി ലഭിച്ചത് 4060 അപേക്ഷകള്. ഇതില് 710 അപേക്ഷകളും നറുക്കെടുപ്പില്ലാതെ നേരിട്ട് അവസരം ലഭിക്കുന്ന 65 വയസ്സിന് മുകളിലുള്ളവരുടേതാണ്.
നേരിട്ട് അവസരം നല്കുന്ന വനിത തീര്ഥാടകര് (വിത്തൗട്ട് മഹ്റം) വിഭാഗത്തില് 342 അപേക്ഷകളും നറുക്കെടുപ്പിലൂടെ തിരഞ്ഞെടുക്കുന്ന ജനറല് വിഭാഗത്തില് 3008 അപേക്ഷകളുമാണ് ലഭ്യമായതെന്ന് കമ്മിറ്റി .
സെപ്റ്റംബര് ഒമ്പതുവരെ ഓണ്ലൈനായി അപേക്ഷ സമര്പ്പിക്കാം. കേന്ദ്ര ഹജ്ജ് കമ്മിറ്റിയുടെ hajcommittee.gov.in വെബ്സൈറ്റിലും സംസ്ഥാന ഹജ്ജ് കമ്മിറ്റിയുടെ keralahajcommittee.org വെബ്സൈറ്റിലും അപേക്ഷ ലിങ്ക് ലഭ്യമാണ്. ‘Hajsuvidha’ മൊബൈല് ആപ്ലിക്കേഷന് വഴിയും അപേക്ഷ സമര്പ്പിക്കാം. അപേക്ഷകര്ക്ക് 2026 ജനുവരി 15 വരെ കാലാവധിയുള്ള മെഷീന് റീഡബിള് പാസ്പോര്ട്ട് നിര്ബന്ധം. അപേക്ഷ സമര്പ്പിക്കുന്നതിനുമുമ്പ് മാര്ഗനിര്ദേശങ്ങള് വായിക്കേണ്ടതാണ്.
"
https://www.facebook.com/Malayalivartha
