സംസ്ഥാനത്തെ മുഴുവന് ടോള് ബൂത്തുകളും അടച്ചുപൂട്ടാന് സര്ക്കാര് നീക്കം
പൊതുമരാമത്ത് വകുപ്പിന്റെ കീഴിലുളള ടോള് പിരിവ് നിര്ത്തലാക്കുമെന്ന് നേരത്തെ വകുപ്പ് മന്ത്രി പ്രസ്താപിച്ചതിന് പിന്നാലെ കേരളത്തിലെ മുഴുവന് ടോള് ബൂത്തുകളിലെ പിരിവ് സര്ക്കാര് നിര്ത്തലാക്കുന്നു. നിലവില് 28ഓളം ടോള് ബൂത്തുകളാണ് സംസ്ഥാനത്തുള്ളത്. 10 കോടിക്ക് മുകളില് നിര്മ്മാണ ചെലവുകളുള്ള പാലങ്ങള്ക്കാണ് ടോള് പിരിക്കുന്നത്. ഇത്തരത്തിലുളള 14 ടോള് ബൂത്തുകളാണുള്ളത്. ഇതിനായി കേന്ദ്ര സര്ക്കാരിന് മുന്നില് വിഷയം ഉന്നയിക്കാന് സംസ്ഥാനസര്ക്കാര് നീക്കം ആരംഭിച്ചിട്ടുണ്ട്.
ടോള് പിരിവ് മൂലം സാധാരണക്കാരന് അനുഭവിക്കുന്ന ബുദ്ധിമുട്ട് ഒഴിവാക്കുക എന്ന സംസ്ഥാന സര്ക്കാര് നയത്തിന്റെ ഭാഗമായാണിത്. കുമ്പളം ടോള് പ്ലാസ, പാലിയേക്കര ടോള് പ്ലാസ എന്നിവടങ്ങളില് തുടരുന്ന ടോള് പിരിവ് നിര്ത്തലാക്കാന് കേന്ദ്ര സര്ക്കാരിനോട് ആവശ്യപ്പെടാന് കേരള സര്ക്കാര് തീരുമാനിച്ചു. ഇതിന് പിന്നാലെ അരൂര് അരൂര്കുറ്റി, ന്യൂ കൊച്ചി, മുറിഞ്ഞപുഴ തുടങ്ങിയ 14 പാലങ്ങളിലെയും ടോള് പിരിവ് ഒഴിവാക്കാനാണ് സംസ്ഥാന സര്ക്കാര് ആലോചിക്കുന്നത്.
1976 ലെ കേരള ടോള്സ് ആക്റ്റ് പ്രകാരമാണ് സര്ക്കാര് ടോള് പിരിവിന് അനുമതി നല്കിത്തുടങ്ങിയത്. വായ്പകള് അടയ്ക്കാനും നിര്മ്മാണ ചെലവ് തിരികെ ലഭിക്കാനും വേണ്ടിയായിരുന്നു ഇത്.
https://www.facebook.com/Malayalivartha