വേനലവധിക്ക് ഫീസ് ഈടാക്കുന്ന സ്കൂളുകള്ക്കെതിരെ ഹൈക്കോടതി.; നിയമം ലംഘിച്ചാല് കര്ശന നടപടി
സംസ്ഥാനത്തെ ചില സ്കൂളുകള് എല്ലാ അതിരുകളും ലംഘിച്ച് വേനലവധിക്കാലത്തെ ഫീസ് ഉള്പ്പെടെ രക്ഷിതാക്കളില് നിന്നും താങ്ങാനാവാത്ത ഫീസാണ് ഈടാക്കുന്നതായാണ് പരാതി. ഇതിനെതിരെ രക്ഷിതാക്കളുടെ സഹായത്തിനെത്തിയിരിക്കുകയാണ് ഹൈക്കോടതി. പൊതുവെ സ്കൂളുകള് വേനലവധിക്ക് അടയ്ക്കുന്ന ഏപ്രില്, മെയ് മാസങ്ങളിലേക്കുള്ള ഒരു തരം ഫീസും രക്ഷിതാക്കളില് നിന്ന് ഈടാക്കരുതെന്നാണ് കോടതി കര്ശന നിര്ദ്ദേശം നല്കിയിരിക്കുന്നത്.
നിലവില് ട്യൂഷന് ഫീആയും ട്രാന്സ്പോര്ട്ടേഷന് ഫീ ആയും വലിയൊരു തുക തന്നെ സ്കൂളുകള് ഈടാക്കുന്നുണ്ട്. ചില മാനേജ്മെന്റുകള് അവധിക്കാലത്തെ രണ്ട് മാസത്തെ ട്രാന്സ്പോര്ട്ടേഷന് ഫീസ് മാത്രം വാങ്ങുമ്പോള് ചിലര് ട്യൂഷന് ഫീസ് അടക്കം ഈടാക്കുകയാണ്. ഒരു വര്ഷത്തേക്കുള്ള ഫീസ് മുന്കൂറായി വാങ്ങുന്ന സ്ഥിതിയാണ് ഇവിടങ്ങളിലുള്ളത്. പലരും 12 മാസത്തേക്കുള്ള ഫീസാണ് തങ്ങളില് നിന്ന് ഈടാക്കുന്നതെന്ന് അറിയുന്നുപോലുമില്ല. ഒന്നില് കൂടുതല് മക്കള് സ്കൂളില് പഠിക്കുന്നവരുടെ രക്ഷിതാക്കളാണ് ഇതുമൂലം എറ്റവുമധികം ബുദ്ധിമുട്ടിലാകുന്നത്.
കോടതി വിധി ലംഘിച്ച് ഫീസ് വാങ്ങുന്ന പക്ഷം വിദ്യാഭ്യാസ സ്ഥാപനത്തിന്റെ ലൈസന്സ് കാന്സല് ചെയ്യുന്നത് ഉള്പ്പെടെയുള്ള കര്ശനമായ ശിക്ഷാ നടപടികള് സ്വീകരിക്കുമെന്നും വിധിയില് വ്യക്തമാക്കിയിട്ടുണ്ട്. ഈ രീതിയില് നേരത്തേ ഫീസ് ഈടാക്കിയിട്ടുണ്ടെങ്കില് അവ രക്ഷിതാക്കള് ആവശ്യപ്പെടുന്ന മുറയ്ക്ക് തിരികെ നല്കുകയോ അടുത്ത മാസത്തേക്ക് വരവ് വയ്ക്കുകയോ ചെയ്യണമെന്നും ഉത്തരവില് പറയുന്നു. അല്ലാത്തപക്ഷം സ്ഥാപനത്തിനെതിരേ നിയമനടപടി സ്വീകരിക്കാവുന്നതാണെന്നും കോടതി വ്യക്തമാക്കിയിട്ടുണ്ട്.
https://www.facebook.com/Malayalivartha