28 ലക്ഷം കോടിയുടെ വിപണിയില് നിക്ഷേപം
കഴിഞ്ഞ വര്ഷം ഓഹരി വിപണിയില് നിന്ന് നിക്ഷേപകര് നേടിയത് 28 ലക്ഷം കോടി രൂപയുടെ നേട്ടം. വര്ഷാവസാനം വിപണിയില് ലിസ്റ്റ് ചെയ്തിട്ടുള്ള കമ്പനികളുടെ ആകെ ഓഹരി മൂല്യം 98.36 ലക്ഷം കോടി രൂപയിലെത്തി നില്ക്കുകയാണ്. തുടര്ച്ചയായി നാലാം വര്ഷമാണ് വിപണി മൂല്യത്തില് വര്ധനയുണ്ടാകുന്നത്. നിഫ്റ്റിയാകട്ടെ 2014ല് 1978.7 പോയിന്റിന്റെ ഉയര്ച്ച രേഖപ്പെടുത്തി. നിലവില് ഓഹരി വിപണിയില് 5,542 കമ്പനികളാണ് ലിസ്റ്റ് ചെയ്തിട്ടുള്ളത്. 5,00,396.24 രൂപയുടെ ആസ്തികളുമായി ടാറ്റ കണ്സള്ട്ടന്സി സര്വീസസ് ആണ് വിപണി മൂല്യത്തില് മുന്നില്. ഐടിസി, ഒഎന്ജിസി, റിലയന്സ് ഇന്ഡസ്ട്രീസ്, കോള് ഇന്ത്യ എന്നിവയാണ് തുടര്ന്നുള്ള സ്ഥാനങ്ങളില്.2014ല് ടാറ്റ മോട്ടോഴ്സിന്റെ ഓഹരി മൂല്യം 31.8 ശതമാനം ഉയര്ന്നു. ഒഎന്ജിസി 18.22 ശതമാനവും ടിസിഎസ് 17.67 ശതമാനവും ഐടിസി 14.55 ശതമാനവും ഉയര്ച്ച നേടി. വിദേശ നിക്ഷേപകര് 1600 കോടി ഡോളറാണ് ഇന്ത്യന് വിപണിയിലേക്ക് ഒഴുക്കിയത്. 2015ഉം വിപണിക്ക് നേട്ടത്തിന്റെ വര്ഷമായിരിക്കുമെന്നാണ് വിദഗ്ദ്ധര് പറയുന്നത്. പലിശനിരക്കുകള് കുറയുമെന്നതിലും സര്ക്കാരിന്റെ പുതിയ പരിഷ്കരണ നടപടികളിലുമാണ് പ്രതീക്ഷ
https://www.facebook.com/Malayalivartha