പാവപ്പെട്ട എല്ലാവര്‍ക്കും രണ്ട് ലക്ഷം രൂപയുടെ ഇന്‍ഷുറന്‍സ് പരിരക്ഷ ലഭ്യമാക്കുമെന്ന് കഴിഞ്ഞ ബജറ്റിലാണ് ധനമന്ത്രി അരുണ്‍ ജെയ്റ്റ്‌ലി ബജറ്റില്‍ പ്രഖ്യാപിച്ചത്. പ്രതിവര്‍ഷം 12 രൂപമാത്രം പ്രീമിയം നല്‍കി പദ്ധതിയില്‍ ചേരാം. പ്രധാനമന്ത്രി സുരക്ഷാ ഭീമ യോജന എന്നപേരിലാണ് ഈ ഇന്‍ഷുറന്‍സ് പദ്ധതി അറിയപ്പെടുന്നത്.
അപകടത്തില്‍ ജീവന്‍ നഷ്ടമാകുകയോ, അംഗഭംഗംവരികയോ ചെയ്താല്‍ പോളിസി പ്രകാരമുള്ള തുക ലഭിക്കുന്നതാണ് .ജീവന്‍ നഷ്ടമായാല്‍ രണ്ട് ലക്ഷം രൂപയും അംഗഭംഗത്തിന് ഒരു ലക്ഷം രൂപയുമാണ് പരിരക്ഷ ലഭിക്കുക. 18 നും 70 നും ഇടയില്‍ പ്രായമുള്ളവര്‍ക്ക്് ഈ പദ്ധതിയില്‍ ചേരാം. പ്രതിവര്‍ഷം പ്രീമിയം തുക 12 രൂപ മാത്രം അടച്ചാല്‍ മതി. വരിക്കാരുടെ ബാങ്ക് അക്കൗണ്ടില്‍ നിന്ന് നേരിട്ട് പണം അടയ്ക്കാം.
ഇന്‍ഷുറന്‍സ് വരിക്കാര്‍ വര്‍ഷംതോറും പോളിസി പുതുക്കേണ്ടതുണ്ട്. വര്‍ഷംതോറും പുതുക്കുന്നത് ബുദ്ധിമുട്ടുളള പോളിസി ഉടമകള്‍ ബാങ്കിന് നിര്‍ദേശം നല്‍കിയാല്‍ എല്ലാവര്‍ഷവും അവര്‍ പണം കൈമാറിക്കൊള്ളും.
പൊതുമേഖലയിലുള്ള എല്ലാ ഇന്‍ഷുറന്‍സ് കമ്പനികളും പദ്ധതി വാഗ്ദാനം ചെയ്യുന്നുണ്ട്. ന്യൂ ഇന്ത്യ അഷുറന്‍സ് കമ്പനി, നാഷണല്‍ ഇന്‍ഷുറന്‍സ് കമ്പനി, ഓറിയന്റല്‍ ഇന്‍ഷുറന്‍സ് കമ്പനി, യുണൈറ്റഡ് ഇന്ത്യ ഇന്‍ഷുറന്‍സ് കമ്പനി തുടങ്ങിയവ ബാങ്കുകളുമായി ചേര്‍ന്നാണ് പദ്ധതി ആവിഷ്‌കരിച്ചിട്ടുള്ളത്. 

ബാങ്ക് അക്കൗണ്ട് ആധാറുമായി ലിങ്ക് ചെയ്തിട്ടുള്ള വ്യക്തിയാണെങ്കില്‍ ബാങ്കില്‍ അപേക്ഷ പൂരിപ്പിച്ച് നല്‍കി പദ്ധതിയില്‍ അംഗമാകാം.  ഈവര്‍ഷം ജൂണ്‍ ഒന്നിന് പദ്ധതി തുടങ്ങുമെന്നാണ് പ്രതീക്ഷിക്കുന്നത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha