ചെറുകാറുകളുടെയും ഓട്ടോറിക്ഷകളുടെയും തേര്‍ഡ്പാര്‍ട്ടി ഇന്‍ഷുറന്‍സ് പ്രീമിയം കുത്തനെ ഉയര്‍ത്തി ഇന്‍ഷുറന്‍സ് റെഗുലേറ്ററി അതോറിറ്റി പുതിയ നിരക്കുകള്‍ പ്രഖ്യാപിച്ചു. ഏപ്രില്‍ ഒന്നുമുതല്‍ ഇത് പ്രാബല്യത്തില്‍ വരും. 1000 സി.സി. വരെയുള്ള കാറുകളുടെ പ്രീമിയം നിലവില്‍ നികുതികളടക്കം 1,440 രൂപയായിരുന്നത് ഇനിയും 2,805 രൂപയാകും. ഓട്ടോറിക്ഷകളുടെ തേര്‍ഡ്പാര്‍ട്ടി പ്രീമിയംതുക 3,480 രൂപയില്‍നിന്ന് 5,916 രൂപയാക്കി ഉയര്‍ത്തിയിരിക്കുന്നു.
1000 മുതല്‍ 1500 സി.സി. വരെയുള്ള കാറുകള്‍ക്ക് 40 ശതമാനം മാത്രമാണ് വര്‍ധനയുള്ളത്. 1000 സി.സി.യില്‍ താഴെയുള്ള ടാക്‌സി കാറുകള്‍ക്കും ഇനിമുതല്‍ 107 ശതമാനം കൂടുതല്‍ പ്രീമിയം അടയ്ക്കണം. 1500 സി.സി.യില്‍ കൂടുതലുള്ള ടാക്‌സി കാറുകള്‍ക്ക് 71 ശതമാനത്തിന്റെ വര്‍ധനയുണ്ട്. എന്നാല്‍, 1000നും 1500 സി.സി.ക്കും മധ്യേയുള്ള ടാക്‌സി കാറുകള്‍ക്ക് നേരിയതോതില്‍ മാത്രമാണ് പ്രീമിയം കൂട്ടിയിട്ടുള്ളത്. ബൈക്കുകള്‍ക്കും സ്‌കൂട്ടറിനും പ്രീമിയംതുകയില്‍ 15 ശതമാനം കൂട്ടിയിട്ടുണ്ട്.
പെട്ടി ഓട്ടോറിക്ഷകള്‍ക്ക് അഞ്ചുശതമാനം മാത്രമാണ് കൂടുന്നത്. അതേസമയം നാലുചക്രമുള്ള ചെറിയ ട്രക്കുകള്‍ക്ക് പ്രീമിയംതുക കുറഞ്ഞിട്ടുണ്ട്. ഏപ്രില്‍ ഒന്നുമുതല്‍ പുതുക്കേണ്ട പോളിസികള്‍ക്കാണ് പുതിയ നിരക്കുകള്‍ ബാധകമാകുന്നത്. ഈ പോളിസികള്‍ നേരത്തേ പുതുക്കിയാലും പുതിയ നിരക്കുതന്നെ അടയ്ക്കണം. ഫുള്‍ ഇന്‍ഷുറന്‍സ് എടുക്കുന്നവര്‍ക്കും പ്രീമിയംതുകയില്‍ വര്‍ധനയുണ്ടാകും. ഫുള്‍ ഇന്‍ഷുറന്‍സിനൊപ്പമുള്ള തേര്‍ഡ്പാര്‍ട്ടി പ്രീമിയത്തിലെ വര്‍ധനയാണ് ഇതിന് കാരണം.
ഏപ്രില്‍ ഒന്നിന് നിലവില്‍വരുന്ന തേര്‍ഡ്പാര്‍ട്ടി പ്രീമിയംതുക. പഴയത് ബ്രാക്കറ്റില്‍:
സ്‌കൂട്ടര്‍, ബൈക്ക്773 രൂപ (578 രൂപ)
െ്രെപവറ്റ് കാര്‍ (1000 സി.സി. വരെ)2805 (1440)
െ്രെപവറ്റ് കാര്‍ (10001500 സി.സി.)2326 (1665)
െ്രെപവറ്റ് കാര്‍ (1500 സി.സി.യില്‍ കൂടുതല്‍)6115 (4785)
പെട്ടി ഓട്ടോറിക്ഷ551 (5234)
ഓട്ടോറിക്ഷ5916 (3480)
ടാക്‌സി (1000 സി.സി.യില്‍ താഴെ)16628 (8317)
ടാക്‌സി 10001500 സി.സി.11027 (10908)
ടാക്‌സി (1500 സി.സി.യില്‍ കൂടുതല്‍)23502 (12943)
ചെറിയ ട്രാക്ക് 14000 (16648)

സംസ്ഥാന സര്‍ക്കാര്‍ ഇന്‍ഷുറന്‍സ് തുകയുടെ 12 ശതമാനമാണ് സേവനനികുതി ഈടാക്കിയിരുന്നത്. ബജറ്റില്‍ ഇത് 14 ശതമാനമായി ഉയര്‍ത്തിയിട്ടുണ്ട്. ഏപ്രില്‍ ഒന്നിന് ഈ നിരക്ക് നിലവില്‍വരുന്നതോടെ പ്രീമിയംതുകയില്‍ അതുകൂടി ബാധകമാകും.